[前傳]是咁的，我嘅職業係幫想自殺嘅人寫遺書: 78.扭蛋

嗰一晚，可能因為同bobo見面嘅時候一路諗住靜思，所以發咗個夢。

「哇係百變怪扮比卡超喎！」我同靜思經過一部扭蛋機，入面嘅on9比卡超吸引咗我嘅目光。

一套有六款，得一款係百變怪，其他都係唔同表情嘅正常比卡超。

「等我扭俾你啦！」

「痴線你估一扭就中咩？」





「我扭一定中！」

「係咪呀？」

「扭唔中就咬你。」

「我咬你就差唔多。」

「唔得呀～你淨係可以錫我架咋喎。」





靜思入錢，開始扭：「睇野啦！」