[前傳]是咁的，我嘅職業係幫想自殺嘅人寫遺書: 57.唔識相處

「你以前明明話⋯⋯我搵你你就會好開心⋯⋯」

「係，以前會。」

咁而家呢？bobo未講出口，已經開始喊。

「你唔好喊⋯⋯你咁樣我會⋯⋯好驚。」

bobo以為，自己嘅喊聲，會令文傑心痛。





但一個人，聽到你喊之後只講得出「好驚」，其實已經宣告咗一場戀愛嘅終結。

「點解係驚！明明你氹翻我就無事！」

「你冷靜啲好無。」

文傑唔知道，bobo摟住嘅枕頭已經濕哂。

「⋯⋯你⋯⋯仲鍾唔鍾意我？」





「仲有感覺，但我唔識相處。」