[前傳]是咁的，我嘅職業係幫想自殺嘅人寫遺書: 44.理應理解
我理應去理解，我嘅第一個客人。
「嗰段日子⋯⋯真係好開心⋯⋯」
bobo認定文傑就係真命天子，佢地會步入教堂，同月晨月曦一家四口會過幸福嘅生活。文傑亦一樣當bobo係真命天女，好快就帶咗佢上屋企見家長。
bobo係嗰日先知，文傑屋企，原來只有媽咪。
同自己一樣。
連屋企嘅構成都一樣，大家都係單親家庭之下長大，爸爸都係因病過身，媽媽都係一直都仲咁愛已經離開嘅老公。
可能因為家庭背景相似，所以價值觀先咁類近。
提起自己爸爸，bobo喺文傑面前，第一次喊咗出嚟。