[前傳]是咁的，我嘅職業係幫想自殺嘅人寫遺書: 42.空無一人

分手之後，我再去過一次依間平價老戲院睇戲。嗰一次，我有帶tissue入去。

J14號空無一人。

我望住猶如浮光掠影嘅電影螢幕。

我無用心去睇套戲嘅劇情噏乜，只有眼淚擅自流落嚟。

戲院入面一陣哄堂大笑，我先記得，自己係入場睇笑片。

又話睇笑片個人會開心啲嘅？

我無拎紙巾出嚟，任由思念嘅淚水沾濕衫領。