[前傳]是咁的，我嘅職業係幫想自殺嘅人寫遺書: 39.璀璨花火
「人生有時就係遇上一個人之後，以後嘅生活都會變得唔再相同。」
明明仍然生存喺依舊未變嘅世界，但因為嗰個人嘅出現，最枯燥乏味嘅日常都會成為轉瞬即逝嘅璀燦花火。
就好似佢為你帶上彩虹色嘅眼鏡，一切嘅事物都充滿生氣，連灰暗嘅天空都令你聯想到幸福。
「我地睇戲嘅時候，會捉實對方。尤其係到啲刺激緊張位，我地會好肉緊。」
點解我地要咁肉緊嘅？
我見你肉緊咪配合吓囉。
明明就你肉緊在先囉！
殊～我地要細聲啲呀～
bobo分手之後去過一次戲院睇戲，但佢睇嘅，只係腦入面擅自播放嘅昔日回憶。