[前傳]是咁的，我嘅職業係幫想自殺嘅人寫遺書: 11.bobo
但嗰陣嘅我並唔知道，有時所謂嘅覺醒都只係一種自以為是。
人類嘅同情範圍，只能觸及自己身邊有關係嘅人。
我地可以理解嘅對象有限，因為我地都只係普通又醜陋嘅人類。
我會對家姐嘅死心痛，係因為佢係我家姐。
如果換成一個陌生人，我又會點樣面對？
我以為自己可以去了解，但到頭嚟只係為自己添加遺憾同心理陰影。
大學二年級嘅學期完結，而我亦開始喺網上開post，提供幫人寫遺書嘅服務。
估唔到開始宣傳無耐，就真係有客人搵我。
我嘅第一個客人，叫bobo。