[前傳]是咁的，我嘅職業係幫想自殺嘅人寫遺書: 8.留言
我完全理解唔到，亦覺得新聞下面啲留言鬧得好啱。
咩「死廢青又自殺」、「一代不如一代」、「抗壓能力太低」、「小小事唔洗死嘅」，一大堆批評自殺者嘅言論大快人心。
直到我做咗一件事，諗法開始有所動搖。
我喺網上搵翻金弦自殺嘅新聞嚟睇。
下面嘅留言。
「人地外國個nick無手無腳咪又係咁」
「其實回頭睇翻就會覺得好小事」
「係慘嘅，但未至於要死囉」
「大把人仲慘啦，有條命已經好好，咁都唔珍惜」
「你地⋯⋯咩都唔知道仲好意思講得咁口響！！！」憤怒令我差啲一拳打爆個mon。
但係，我啱啱又同依堆人有咩分別？