紙言

[前傳]是咁的，我嘅職業係幫想自殺嘅人寫遺書: 1.期待





朝早擘大眼嘅時候，就會有種想死嘅衝動。骨頭碎裂嘅聲音依舊喺耳邊徘徊未散。

黑影喺我面前一閃而過，肢體因爲墮樓嘅衝擊而扭曲成被壓扁嘅百合花瓣咁。血水向我腳尖爬過嚟嘅畫面，佔據我合埋眼皮後嘅視線。

曲金弦喺世界消失咗兩個星期，太陽依舊無情咁升起、落下。

我問一切如常嘅世界，你知唔知，我失去咗好重要嘅人？

由金弦死嗰日開始，我一直期待突如其來嘅世界末日，我等待了結我生命嘅意外，可惜仲未等到。