《某日凌晨，我發現隔離屋有鬼》: 05.

再過一會兒，便聽到拍門的聲音，原來是弟弟放學回來了。

「小朋友，請問搵邊位？」我跟他開玩笑地說。

「我係黎送速遞。」他配合地說笑。

「咩速遞阿？」

「你開鐵閘咪知。」





我不虞有詐地照辦，剛開閘他就撲過來我處，我差點兒便沒有他接住。

「我送左你細佬返黎啦。」他吃吃地笑著。

「等我驗下貨先。」我抓住他搔癢，弄得他不停大笑。

「貨不對辦喎，係咪可以換一個？」我停下來裝作很認真地問。

「你唔鍾意我咩？」他好像很失望地嘟著嘴說。





「唔係阿，我講笑咋。」那一刻他看上去好像真的很不開心，我竟然信了他。

「我夠知，哈哈，咁都呃到你。」

「好啦，你贏。」

「係喎，我見到隔黎屋有人搬入黎。」

「嗯，我知。」





接著我把遇到黃太和跟她的對話跟他說了。

「哦，有個小朋友同我玩？好嘢。」他好像很興奮似的。

「人地可能唔想同你玩呢？」

「點會呢？」


翌日，弟弟學校教師發展日不用上學，我也dayoff（自制），我們睡到中午才起來。

「阿哥落唔落去食嘢？」弟弟伏在我的身上問我。

我把他的手臂抓過來咬了一口。





「唔，幾好味。」

他馬上追著我的手來咬，我當然不會乖乖就範，於是我們便大戰了三百回合。

突然門聆響了。

我馬上出去應門。

「希仔，我地啱啱搬左入黎啦，所以咪過黎打聲招呼。」黃太笑容滿臉，心情好像很不錯。

「早晨黃太。」我邊說邊打開鐵閘。

她進來時，好奇的弟弟也從房間走了出來。

「佢就係你細佬？好可愛阿！」黃太看到弟弟便走過去摸他的頭，弟弟被這樣稱讚，紅都臉了。





「細佬，佢就係我地新鄰居黃太啦。」我跟他說。

「黃太你好……」他害羞地躲到我身邊。

「細佬你叫咩名？」黃太彎下腰來遷就弟弟的高度。

「阿豪。」

「咁我就叫你豪仔啦。係喎你今日唔洗返學咩？」

「唔洗阿，今日教師發展日。」

「你真係中一？睇落去同我個仔差唔多大。」





「嗯……」弟弟有點不好意思地說。

「有個問題想問你地，但……」她一臉為難的樣子。

「隨便問啦。」我說。

「嗯……你地父母呢……」

「哦，佢地去左英國做嘢。」

她聽到後好像釋懷了點，大概本來以為我們是孤兒。

「阿，咁你地夜晚不如過黎我到食飯啦？順便可以見下樂仔。」