毒撚之日常・離開以後

大家好，我叫黃冰，我想正式禁介紹一次自己。

我今年廿一歳，大三，生得唔高，唔靚仔，唔識搞笑，唔識氹女仔開心。

對上一次拍拖，係好耐好耐之前既事。但係中意一個人，係近排既事。

今個semester，我識左一個叫呀心既女仔，容許我將佢化名做呀心，因為佢對我黎講，已經係一個刻印左係我個心裏面既人。

我同佢既第一次接觸，係佢問我要唔要同一組做project。





「喂，你有組未呀，未既話我地一組丫」

佢比我既第一個印像，除左甜美既聲線，就係淡淡既香水味，令人難以忘懷。我成日覺得，氣味比任何野更深刻，可能我禁講你會唔明，我舉個例子，就好似每個人都會有一種自己好熟識既氣味，每次聞到，你都會覺得似層相識，然後你可能會記番起封塵左好耐既回憶，亦可能只係會覺得呢種味道似曾相識，但係又令你好有安全感，唔知我禁講你地明唔明啦，sorry for 1999。但係佢既氣味，我知道自己一世都唔會忘記。

緣份總係話黎就黎，下一個幸運兒，可能隨時就係你。總之本身唔應該會有交集既人，就係禁好快變得熟絡，變成別人眼中既情侶。佢成日話我得意，話望著我個樣就覺得好笑。然後我亦發覺，自己中意左佢。

我地會飲同一杯野，會餵對方食野，會有丁點兒超越朋友界線既身體接觸，我以為呢個係一個愛情故事既開始。

「喂，你肚唔肚餓？」





我發覺佢最中意係我食緊飯既時候message我問我呢個問題。

「餓呀。」我心諗唔肚餓我就唔會食飯啦。

「禁一齊食野？」我望著成枱餸，心諗唔通我仲禁on9同你出去食咩，我大把好野食啦。

「禁我而家黎車你啦」係！我承認我係冇骨氣，我係犯賤！你吹咩！

如事者，我成日都係室友煮埋我飯，或者食緊飯既時候，就出左去接佢去食野，有時就算自己食飽左，都再出去陪佢食。有時我都預早少少問佢今日一唔一齊食飯，佢多數話冇胃口，今晚唔食，但係過多兩個鐘，我又會收到佢既messege。所以通常係食飯既時候收到佢既message，我就估到佢又肚餓嫁啦，但係我估唔到佢真係夠膽又肚餓嫁姐！





「喂，不如你揾日上黎我屋企煮餐飯丫。」我好中意行後佢少少，因為望著佢行，感覺好好笑，點解好笑呢，我又講唔出。只係我每次係佢後面行，都會聞到屬於佢既個種淡淡既香味，係空氣中消散，但又係我精神上排迴。

「哦，好呀，煮囉，屌你。」

個晚，4餸冇湯，配白飯，講真，其實我真係好想食多一次。我仲記得佢係廚房煮野個樣，真係好撚好笑，你問我點解好笑？我都唔知，總之望著佢就會笑。

「喂，你出番去先啦，你望著我煮，我會好大壓力嫁。」

「下，你真係唔駛幫手？」

「唔撚駛呀，你出番去啦」

個晚，第一次有除左呀媽以外既女仔煮飯比我食，第一次有女仔令我想翻食....佢煮既飯。第一次睇人煮飯睇得禁開心。第一次禁想幫手煮野。

「你真係好q得意，望著你個樣就覺得好笑。」有一晚我車佢番屋企，到左樓下之後，佢禁同我講。





「禁你要唔要做我女朋友？」事到如今，我都唔想再拖，我淨係想佢做我女朋友。

佢即刻變左怕羞mode，佢話突然講d禁既野，佢會好怕羞。我問佢同我一齊開唔開心，佢話總之望到我個on9樣就覺得好好笑，但係佢唔知呢種感覺算唔算係中意。佢話佢會考慮下，然後我夾硬拖住佢隻手，拖左半分鐘，然後佢落左車，同我講聽日見。個一刻，我都唔知自己究竟算係表白成功定失敗。只係我總係有種唔好既預感，雖然我既第六感從來冇準過。

如事者過左兩日，我地都係好似平時禁，我仍然會聞到個陣淡淡既香味。

「其實，你中唔中意我嫁？」我問佢，係同一個車廂裏面。

「唔中意就唔會再同你出黎啦。」

「禁你應承做我女朋友？」

「其實我唔想拍拖著....你唔覺得單身好好咩？」





「em….禁我等你丫，等到你想拍拖個日，你再同我講，我而家繼續追下你先啦。」

「每個人都應該按自己既步調走嫁，唔應該因為任何人而改變嫁，況且，你繼續追我，你會受傷嫁。」

「我而家係按自己既步調走呀，我係因為中意你，所以決定繼續追你，你吹咩」

我諗，當一個人進駐左入你既心裏面，就唔係禁容易可以趕番佢出黎，或者應該講，就算我十年後完全忘記左佢，我都仲會記得屬於佢既個種淡淡既香味，係現實中消散，卻纏繞在心中。

好快，我地就冇咩再聯絡，佢由我置頂既對話中，慢慢越跌越落，慢慢，我再揾唔番同佢既對話。佢由串77既心姐，變番佢原本既英文名。

近日像每樣話題總不適合你

近日夜深相聚飄起一抹冷漠空氣

伴著但我在預期你會說捨棄

問事實怎躲避在倒數將要每日想你

若這刻若最後無力留下你

將消失勇氣釋放自己

就算某天我吻別人亦當親你

 記得個陣你比我睇你個紋身，"don’t look back"，我問你點解會紋身，你唔肯話我知，其實個陣我已經估到，我諗，你係我心目中，係張學友既離開以後，但係你心目中，一早有其他人代替左呢首歌。

喂，屌，心姐，我諗，拿，我諗炸下，我係時候要走啦。你知啦，話曬我都要揾食家嘛，話曬我都讀business，根據投資理念，不斷投資係一段冇回報既感情上面係on9先會做嫁。所以呢，我諗我係時候要走啦。 

離開我以後我會習慣自卑

明天再偶遇我也不敢偷望你

離開我以後季節冷暖 天氣我也置諸不理

願名字也再不記起

離開我以後我會長留這地

晨早到午夜撲進漆黑想念你

離開我以後醉了會看到你

夢中方可永久地

接近你 

琴晚我發左個夢，我係一個公園裏面，有個女仔坐左係我隔離，我睇唔清佢個樣，我只係聞到一種好熟識既氣味，一種淡淡既香氣，一種刻左係我心裏面既氣味。個女仔對我笑左笑，但係我都睇唔清佢個樣。然後佢起身，準備離開。

「喂，唔好走呀。」夢裏面既我，淚線氾濫。

「白痴仔，個個人都會走嫁。每個人都會道別，有啲人會走，有啲人遲少少先走，但係我而家要走啦，你唔好喊啦，我唔值得你為我喊嫁。」

我已經唔記得自己講過咩，我只係記得自己不停喊，不停喊，好似將一直以黎既唔開心喊曬出黎禁，我依稀記得我最後一句同佢講既野。

「你要幸福呀！一定，一定要開心呀，好似你句紋身禁，唔好望番轉頭呀，記著一定以後都要開開心心呀！」

記著...唔好望番轉頭啦...因為你再回頭，我一定會唔捨得你。

佢笑左笑，然後離開，係我既視線裏慢慢變細，但係個種淡淡既香淡，依然圍繞著我。

我醒番，抹一抹眼角的分泌物，唔知...你而家點呢... 我過得好好，只係偶爾會回憶起屬於你的那種氣味，只係偶爾聞到個陣香味，會忍唔著轉身望下係唔係你。

喂，我過得好好呀，我知道，你一定會過得比我更好。我真係要走啦，我唔再追你啦，我係時候繼續向前行啦，你都要向前行呀，禁樣或者，我地將來會有機會再係某個中途站再見到對方，禁樣，或者我有機會再聞到個陣淡淡既香氣，或者...屌 唔講啦，總之，再見啦 _ _ 心，多謝你曾經出現過，今次係最後一次對你講啦，我真係好中意你呀。寫完呢個故事，我對你既感情，都係時候暫告一段落啦。 

《毒撚之日常・離開以後》完