兩個只能救一個，你會救邊個？

「兩個只能救一個，你會救邊個？」
呢個問題，我以為只有我女朋友會問我，點知命運都問左我！

個晚，老豆，媽咪因為意外同時跌左落海，兩個人同我既距離都一樣，我冇時間猶豫，我遊左去媽咪到，救左媽咪上岸先。但當我另返轉頭望落海，我已經見唔到岩岩係海面上掙扎既老豆。我非常焦急，跳返落海，潛落去搵老豆，但礙於天色非常黑，我完全睇唔到水底既情況，但我依然不停潛落水搵，直到搜救人員黎左，直到我筋疲力盡。

直到第二朝，搜救人員撈起老豆佢冰冷既屍體。我跪係佢旁邊撕心裂肺咁喊：「老豆，老豆，返黎呀⋯⋯返黎呀⋯⋯」個時，我以為失去至親已經係最痛，我估唔到，往後既日子我將承受更大既折磨。之後兩日既各報章頭條：孝子救母不救父；父母落水，子救母任父亡；兩個只能救一個，子狠心擇母捨父；孝子救母捨爛賭父。
我睇到各大報章，覺得好傷心，好嬲，佢地就係為左吸引讀者而不停係受害者傷口上灑鹽。我唔係唔想救我老豆，係我救左媽咪之後已經為時已晚。最令我憤怒既係報章竟然稱我老豆爛賭，揭人隱私。冇錯，我老豆以前係好爛賭，但佢呢幾年黎已經浪子回頭，修心養性。但就算佢係爛賭，又關你（報紙）咩事，關你物x野事？而我亦都唔係因為佢曾經爛賭而唔救佢。我承認，我曾經因為佢爛賭好憎佢，但唔係而家，係好多年前既事。我而家好感激佢對我既教養，我好尊敬佢。因此，佢地係報紙點寫我都可以，但唔好侮辱我老豆。但我偏偏對現在既境況無能為力。

到左老豆既喪禮，姑媽（老豆既家姐）一見到我就一巴摑左落我到：「呀傑，你呢個不孝子，你知唔知我細佬有幾咁錫你！你竟然唔救佢先。」
呢個時候，婆婆都衝左過黎，不停拍打我：「呀⋯⋯你還返個仔比我⋯還返個仔比我呀⋯⋯」




因為失去老豆既痛，同埋佢地既不諒解，我只能無力咁任由佢地打我鬧我，眼淚默默咁由眼框流落黎。姑媽繼續咆哮：「喊！你有咩資格喊呀！係你害死我細佬架！係你害死你老豆架！你冇資格！」
我嘗試去體諒佢地，姑媽冇左個細佬，婆婆冇左個仔，佢地情緒激動我都明白。但！我呢？我都失去左我老豆，我又可以同邊個訴苦？唔通，我選擇左救媽咪先，我而家就連傷心既資格都冇？佢係我老豆黎架！我有幾傷心，佢地又明唔明。等我一個人係房同老豆一齊既時候，我飲泣咁同佢講：「我會好好照顧媽咪⋯同細妹！你放心！仲有⋯對唔住！」

老豆走個年，我岩岩上大學，有兩個妹讀緊中學，媽咪因為腳有舊患只係打下散工，而老豆就係我地一家既經濟支柱。因此，我上左大學之後，我搵左幾份兼職，我成為左屋企既經濟支柱。要同時兼顧工作同學業，令我非常吃力。但只要屋企人生活得好既話，我就覺得呢一切都係值得既。但最終令我絕望既，就係佢地。
老豆以前係做廚師既，以前食晚飯既時候佢成日斬料，老豆亦煮得好好食。但而家生活拮据，唯有粗菜淡飯。細妹食飯既時候講左句：「好掛住老豆既燒味呀！」我知道佢無心，但我⋯⋯
二妹亦因為冇錢交學費既關係，要放棄一直有學開既小提琴。當媽咪問我拎錢幫二妹交小提琴學費，我只能婉轉咁同佢講錢唔夠。而媽咪就若有所思咁講左句：「如果你當初你救左你呀爸，或者你地而家唔使生活得咁辛苦。」
我當下忍住左，但我第二朝去左老豆墳墓前。全世界既人都可以唔理解我，婆婆可以，姑媽可時，鄰居可以，但唯獨媽咪你唔可以，因為我救既就係媽咪你。

我坐係老豆墳前，開始回想起，係我升上高中之後，我同老豆開始有男人之間既對話。
我中五個年，政府話加煙草稅，老豆因此短時間內戒左煙，當時老豆煙癮好大（一日3包），我好怕佢咁短時間內戒斷會令身體有好大影響。但佢戒完之後，就成日係我面前吹噓自己既意志力。我同佢講過有啲擔心佢，而佢回左我一句：「你怕我打柴呀？你放心喎！係你未養到你呀媽之前我都唔會死架！」




當時，作為男人既我，聽到老豆既呢番話，都覺得佢有啲型。
而呢個就係我救媽咪先既原因，我知道媽咪就係老豆既全部，我相信呢個唔係我既選擇，而係老豆既選擇。呢兩年黎，我都好努力咁證明我可以撐起頭家，可以令老豆安心。但⋯
「老豆⋯我係咪做錯啦⋯老豆⋯我好攰⋯我好辛苦呀⋯⋯你係咪會明白我既選擇呀⋯⋯」我係老豆墳前抱頭痛哭。
突然墳碑上面浮左啲用水寫既字出黎：「已經做得好好，我好放心！」
係老豆，一定係老豆，我又喊又笑咁點頭。得到老豆既安慰，我心情舒暢好多，準備返屋企，繼續為生活努力。點知行過海邊，我見到有小朋友遇溺，我跳左落海救佢。



翌日新聞
XX日報




兩年前救母棄父 因愧跳海自殺身亡
Xxxxxxxxxxxxxxxxxxxxxxxxxxxxxx，xxxxxxxxxxxxxxxxxxxxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxx，xxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxxxxxxxxxxxxx，xxxxxxxxxxxxxxx。
Xxxxxxxxxxxxxxxxxxxxxxxxxxxxxx，xxxxxxxxxxxxxxxxxxxxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxx，xxxxxxxxxxxxxxxxxxxxxxxxxx。
Xxxxxxxxxxxxxxxxxxxxxxxxxxxxxx，xxxxxxx，xxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxxxxxxxxxxxxx，xxxxxxxxxxxxxxx。
Xxxxxxxxxxxxxxxxxxxxxxxxxxxxxx，xxxxxxxxxxxxxxxxxxxxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxx，xxxxxxxxxxxxxxxxxxxxxxxxxx。Xxxxxxxxxxxxxxxxxxxxxxxxxxxxxx，xxxxxxxxxxxxxxxxxx，xxxxxxxxxxxxxxx。
Xxxxxxxxxxxxxxxxxxxxxxxxxxxxxx。男童父辯解，男為救自己遇溺兒子亡，非自殺
xxxxxxxxxxxxxxxxxx，xxxxxxxxxxxxxxx。



#有興趣可讚黑柴Facebook
https://www.facebook.com/%E9%BB%91%E6%9F%B4-879053098899020/