看過去這麼遠，卻又那麼近......: 第一日
今日，係我升初一既第一日，懷住期待ge心情，我走到分班既公告欄前面，此刻我只想揾到一個人既名，劉子慧。睇到今年既分班，我不禁倒抽左一口涼氣，因為今年，我又同唔到我女神一班，真係SAD到爆，慶幸ge係，今年我可以同到我哥3個老死同一班，個天都總算係有D良心既。今年我地既班主任係一個成熟得黎又帶點親切既Miss，不過呢個唔係重點，重點係同邊個坐。Miss都係識做既，將我同D識既分埋一齊坐，而我坐我隔離哥個就係輝仔拿。過到輝仔，就要講下佢威水史，話說我小六個陣時，我飲緊維他奶，佢突然跑過黎，一手就將我連人帶奶推過去我女神到，搞到我將D奶噴到我女神成條裙都係。但我女神咁善解人意，又點會計教呢，更況我同佢己經做左10年同學，係，你冇聽錯，我同佢做左10年同學啦，但我仲係唔敢同佢表白，我真好冇用。好彩，維他奶係白色，條裙又咁岩係白色，我先至會冇事。分完位，Miss就開始要選班長哥D職位啦，個3條街街係咁慫恿Miss選我做班長，因為我本身成績都唔錯，Miss都笑住咁問我要唔要做，係中學，傻仔先會做班長，我就一定唔會係哥個傻仔啦，所以我say左一句no，即刻收左Miss皮。經過一番慫恿，我都係逃唔過命運，做左一個英文科代表。男班長係一個帶眼鏡既文青，睇得出，佢好明顯係一個書蟲。而女班長係一個好可愛既女仔，望多兩眼，feel到好大陣初戀既味道。Miss派完書之後，就同我地講可以放學，當我仲諗緊中午食咩好既時候，個書蟲班長即刻走過黎，問我:"聽講你成績好好，可唔可以加個whatsapp交流下讀心得?"我真係彩佢都傻，邊有時間同佢交流心得，但係就咁拒絕又唔係幾好，於是我都係比左whatsapp佢。一行出課室，我比一個人吸引住我既眼球，無錯，哥個人就係我女神，佢係D班既門口走出黎，咁岩係C班門口走出黎既我，同佢對望左2秒有餘，但我好冇用，怕醜得濟走左。