從你的世界經過: Ch.4
機會真的是留給有準備的人嗎？
聖誕節又到，而聖誕節又怎可沒有交換禮物這個邪惡的活動…
「喂！諾…你送咩畀Jenifer啊？」我好奇地問
「咁你有送咩畀啊遙啊？」他卻問我
「妖，我問你，你問返我」
「我會…親自整朱古力畀佢…佢一定會鐘意」他嘴邊掛了一副幸福的笑容
「話…咁有大志…我整係諗到送條頸巾畀佢就算」
「你冇嘢啊！知唔知你送咩嘢，會影響到你嘅終身幸福㗎！」
「咩呀？？」
「通常女嘅就會準備兩份禮物，之後就睇吓你嗰份夠唔夠有誠意，如果冇…咁佢就會送份hea啲嘅畀你。」他說得頭頭是道的
「咁我應該送咩啊？大師！」
「閒閒地…織條頸巾畀佢啦！」
「點織呀？！你當我神啊！」
「你老師！幫到你！」
「你老師？」
「Ms. Lee 啊！家政嗰個啊！」啊諾不耐煩地答。
我並沒有再理會他，而是在想應否向Ms. Lee請教…
「仲諗咩啊！去啦」啊諾彷如聽了我的心聲，便立即拉我到家政室。
我想掙扎，但身體卻不想…
「你（李）老師！神哥搵你啊！」他便推我到門前，然後沒有義氣地走了「自己執生啦！」
我暗地裏說了一聲「仆街仔」正當我想大叫的時候，Ms. Lee 便叫我「搵我做咩呀？想整嘢送畀心儀對像？」
我感到十分驚訝，為何Ms. Lee會知道我想做甚麼。
「eh…係呀…得唔得啊？」我問
「過嚟啦…你都唔係第一個架啦…」
「我想…我想織條頸巾…」
「頸巾啊…ok…我教你」她爽快地答應
不經不覺，已是晚上7點幾，而李老師仍耐性地教我。
「係呢，哩條頸巾係…送畀便個㗎？」她八卦地問
「Ms. Lee 啊…你認唔認同成為密友總帶着愛？ 」
「大家都會有過最難忘嘅一段愛情…」她繼續「如果我話俾你聽，我老公…其實係我初戀情人…你信唔信？」
「我信啊！係咪真㗎？！」
「係…愛情係一種好神奇力量」她就像我的愛情大師，傳受她的經驗「人海茫茫，找對的人可能是大海撈針。可能你以為係遠在天邊，但其實好可能係近在眼前，有啲可能已經從你的世界經過咗…失去咗，無力挽回。」「愛…係無阻隔。愛一個人係容易，但放低一個人係好難。你要記住，愛情唔係講求付出、收獲，而係真愛！」
回家後Ms. Lee 的那番話，不斷在我的腦海裡出現，好像替我解鎖了心裏的疑問。
經過3日3夜的時間，終於完成那條頸巾，而剛剛好就是聖誕聯歡會。回到學校，第一時間去找Ms.Lee，去問問一些意見。
「仲洗講，緊係得啦！佢實鍾意！」她臉上帶點微笑
「多謝！Ms.Lee，我真係學咗好多嘢！」我感激不盡地鞠躬，表示多謝。
「好啦！好啦！去搵佢啦！我撐你！」她似乎還要比我更緊張。
我便跑到課室，等待啊遙回來…
課室漸漸地變得熱鬧，但啊遙的座位卻是空空如也。而我開始變得忐忑不安。
「咦？啊遙呢？」啊諾過來
「唉…我都想知」我已經沒精打采了
「聽講…佢…佢可能要走…」這句話令我半信半疑
「走？！走去邊？做咩走？」我十分驚訝
「嗱…哥仔，我都係聽人講㗎咋…唔知係咪真㗎」
我聽完這個壞消息後，就像心裏被箭插穿了。不斷埋怨：我織條頸巾咁撚辛苦為乜，人都唔係到，咁條頸巾可以唔洗要啦！
正當我想將頸巾掉走，電話傳來一個訊息…