從你的世界經過: Ch.1
男女之間真的有純友誼嗎？
「啊神! 我哋又喺同一間學校讀啦」
「咁咪有排涯」
「好難為你咩」
我就係啊神。而我隔離嗰個就係由細識到依家嘅羅樂遙，樣子普普通通的，沒有甚麼叻，只是學霸而已。
「都幾㗎…你知唔知我依家做緊一項好高難度嘅嘢」
「做咩」
「企你隔離就係一件高難度嘅事」
「喂！我請你食麵啊」
「食咩麵？」
「兜搥鍋面！」她二話不說就用她的拳頭打落我頭上。
「哇！第一日開學就溝女」啊諾把手搭上我的膊頭。
阿諾係一位典型毒撚，矮毒肥窮柒。同啊遙一樣，都係同一間小學。佢份人都幾好，至小佢…
「我哋係朋友」
「神哥，男女之間係冇純友誼㗎。有女就有女啦」
「你哋咩班啊」啊遙打斷了我和啊諾的對話
「我同佢都係E班，你哩」
「我咪C班囉…睇嚟我哋有緣無份」
大家笑了笑，瞬間變dead air…我們便各行各路。
當我進入班房時，我完全被一位女子吸引了。我立刻同啊諾說
「喂！你睇吓嗰條女…好正」
「你已經有女架啦喎，仲溝第二個？！」
「咩有女…啊遙只係朋友。」
「咁嗰條女又真係幾正嘅…你想溝佢啊？！」
「睇吓點先啦」我表面說不，但心裏卻很想。
我便拉著啊諾，走到女神前，自我介紹。但我還未開口，她便主動問我。
「Hi，我叫蕭婥藍，Natalie。你叫咩名？」
「我…我叫啊神，個個…都…都叫我做吳啊神。」我被她的聲線迷倒了。
「啊神…嗰名咁得意嘅…咁哩一年就多多指教啦」她笑了笑，便跟我握手。
那動人的聲線，那可愛的臉容，那完美的身材，我完全被迷倒了。
「喂！唔好再發春夢啦！佢走咗啦！」啊諾向著我大叫。我便立刻回到現實世界。
「咩發春夢啊，我諗緊嘢之嘛。」
不久，我同Natalie一起。足足拍了一年拖，但有一日，她無端端提出分手，我們就是這樣散了。我嘗試去放低…但是不能。
中三哪年，不知是不是天意。啊諾，啊遙同我是同班。而故事就在這一刻開始。
「唉…點啊你…成嗰樣頹曬。」啊諾坐了我的旁邊。
「冇頹…每日都好開心咁過。」我答
「失去咗就失去咗」「無力挽回要懂得放手。」五音不全的他唱著
「我本來好地地，你依家係咪玩我，搞到我冇曬mood」我將手蓋住我的臉，便漸漸地回想和她一起的時光。
啊遙便走過來，手輕輕地放在我膊頭上。
「兄弟，有咩唔開心，講出嚟…最多畀埋嗰膊頭你。」
「一齊放學。得唔得…」
「好啊…我冇所謂。」啊遙便離開
「餵！咁快就溝第二個」啊諾便打斷了那片寧靜…
「屌你！收皮啦！」
「你腦羞呀？！」
「你明知我放唔低佢，你就唔好亂噏啦」
啊諾便無視我…
一日如年，終於放學。啊遙便與我回家去。無知的啊遙一上小巴，就像那些師奶般八婆。
「你做咩姐，成嗰樣頹曬…西口西面咁…」
「知唔知邊個係Natalie…」
「知啊…好𡃁嗰個啊嘛。跟住呢？」
就是這樣。在整個車程，我便說了整個悲慘的愛情故事。
「話說佢好似退咗學…你知唔知點解？」啊遙的好奇心變得越來越重。
「唔知」我回答「可唔可以藉嗰膊頭嚟挨嚇…我好攰」
我沒有等她回應，便把頭挨著她的膊頭上。她亦沒有拒絕。我便漸漸地入睡…
我自問自己係一個重感情，好容易愛上一個人，但又好難放低一個愛過嘅人。而啊遙係一位絕世好友，我當佢係兄弟、密友，但原來…
自從嗰日開始，我哋就一齊放學。