致綠色校呔: 由相識到熟識

喺xmas day嗰日，Inbox就突然收到一個男仔sd左句Merry Christmas 畀我，佢話喺secret 呢度見到我，想做個朋友。咁我咪accept 左佢fd request囉。之後就開始左日日夜夜狂msg，咩無聊野都可以傾到大半日。傾下傾下咁就傾左四個月啦，由hi-bye fd變左做大家既best fd。之後就約喺上年既4月17號約左出尼見。嗰日既前一日，因為佢記錯日期，所以，佢喺我學校門口由四點半等到七點。咁我嗰日有野做三點幾就走左，又冇帶電話搵唔到佢。返到屋企一check先發現原來佢白等左我咁耐，但佢一句都冇怨過。淨係同我講：「冇所謂啦，男仔係要付出多啲架啦今晚早啲訓聽日放學見啦」我個心突然甜一甜，講完gdnite之後就去左訓啦。  到左聽日放學，一見到佢真人嗰一秒就即刻覺得眼前人好岩眼型，有種好心動既feel。之後佢就帶左我去Starbucks買左杯mocha請我飲啦，上面寫左我個英文名同埋一個笑哈哈。我地喺個商場行左陣，因為我要夠鐘補習，所以之後佢就話出到嚟梗係要影張selfie啦。佢拎左部電話出嚟，打橫咁影左一張，然後我就問佢做咩打橫影，咁會影到我好肥架。佢就畀左佢部機我，我打直影左一張，影完佢送到我去補習講完byebye就走啦。之後嗰一堂我根本咩都聽唔入耳，成個腦都係佢。岩岩既情景loop完又loop。。。我嗰時都未可以100%確定自己真係為呢個男仔而動左真心。只係一直覺得同佢相處好舒服，好安心，可以中意點就點，唔洗因為顧形象而戴住面具。 返到屋企就收到佢岩岩一齊既嗰張合照，張相佢p到好令，下面有啲心心印喺度。當時我冇留意到，直接save左喺電話相簿就去左做其他野。