時空之門: 一箭三鵰?

前文提要: 話說Sam神受Amy所託，代佢返番6年前，希望可以改變佢既命運，當Sam神見到成個沙灘都係人，唔想SIN時間去搵諗住放棄時，佢見到後生既Amy同埋佢個兩個靚女FD...
 
我: (自言自語) Amy話因為佢個FD 整親，所以先要Stay係度，咁即係如果我可以阻住到佢個FD整親，歷史就會改變，而我就可以英雄救美啦~~
 
諗好左點樣後，我就一路係後面跟住佢地。「物以類聚，人以群分」真係冇講錯，靚女身邊出現既都係靚女，而家既Amy 仲未經過社會既洗禮，真係好Pure好Cute，而佢另外兩個FD，一個靚得黎Cool Cool地，好似一個冰美人咁，係男人都想將佢個冰山劈開征服佢; 而另一個，就細細粒，楚楚可憐咁，係男人都想保護佢。佢地3個著住比堅尼係沙灘度邊行邊玩水，佢地經過既地方，所有既雄性動物都會自自然咁俾佢地吸引住。
 
「呀，好痛」
 
Amy個FD突然大叫，跟住我就見到佢地3個好慌張咁...我睇一睇隻錶，15:30，我再次啟動時空之門返番去佢受傷前既一分鐘。
 


 
日期: 2010年8月13日
時間: 15:29
地點: 深圳大梅沙
 
我: 靚女，小心!
 
「呀，好痛」
 
我一邊跑一邊大叫提醒佢地，但都係遲左步，Amy個FD都係踩左落塊碎玻璃度。而佢地亦繼續慌張。


 
我: 你地扶佢慢慢坐低先。
 
係佢地仲驚緊同六神無主時，我既出現就好似黑暗中既螢火虫一樣，少少既光，已經成為佢地既指路名燈，Amy同佢另一個FD好聽話咁扶佢受傷既朋友坐低。
 
我: 你地有冇清水?
 
Amy’s FD: 我呢度有枝未開既礦泉水 (冰美人真係好cool，短短一句說話都可以冷冷的)
 
我: 我而家幫你用清水洗一洗個傷口，睇下有冇玻璃碎係入面，可能會有少少痛，但都忍一忍好唔好? (受傷既女人呢個時間需要安慰同呵護，我用極度溫柔既語氣同受傷果位靚女講)


 
Amy’s FD: 我會唔會跛嫁?
 
我: (係咪真係咁無知呢，輕輕踩到玻璃流下血者，洗唔洗咁驚青? 我心入面係度小鳩佢ON9，但對佢又係以極溫柔既語氣咁講) 傻既，冇事嫁，只係普通界傷左，你乖，忍一忍，我用清水幫你沖走D血同沙先。
 
我講完後就冇再理佢黎手抬高佢隻腳用清水幫佢沖傷口，佢對腳真係又白又滑，我再望一望佢，嘩，頂，雖然細細粒，但心口一D都唔細，粗略估計應該有34D。我只係望一望就算，因為我知道，如果呢個moment令佢地覺得我係咸濕佬，件事就會完。
 
我: 搞掂，放心，無乜事，入面冇玻璃碎，但你地一陣都要買消毒藥水幫佢消毒，頭先清水只係幫佢沖走D污糟野，一陣一定要消毒，如果唔係驚會發炎。同埋，今日可以既話盡量避免呢隻腳用力啦。
 
Amy: 唔該晒你呀，好彩你係度，如果唔係我地2個實有排亂。
 
我: 舉手之勞者。一係你地係度等一等我，我去買埋消毒藥水返黎幫佢消毒啦同埋包一包個傷口。
 
Amy: 呀..好呀唔該你，我都驚我地搞佢個傻婆唔掂。但會唔會太麻煩你。
 


我: 唔阻，我都係放假冇野做一個人入黎行下JA MA。咁你地等等我啦~
 
買完消毒藥水後，我行埋過附近間Sheraton租左架車再問佢地借左架輪椅先返過去搵佢地幫阿楚楚可憐女洗傷口同包扎。
 
Amy: 咦，點解有張輪椅既?
 
我: 我怕你地兩個搞唔掂，咪去酒店度借架輪椅，等你地方便D。
 
佢地同我講左句唔該後，我見氣氛好似麻麻地咁，亦諗唔到藉口繼續留係度，心入面一邊係度暗罵自己ON鳩租乜春輪椅，一方面只可以笑笑口咁同佢地講拜拜...同時再將時間校返15:29分。(待續)