世界屋脊上的過客 - 西藏遊記: 同伴 - 酒店的神奇洗手間

回房第一件事便是煲水。這個地方到了晚上還真的需要點熱水暖暖身。
「以前易話為好多，宜家咁樣斤斤計較我覺得真係好煩囉。」我一邊拿出洗澡用品一邊向Kenneth吐糟。
「係呀，我都覺得請埋佢食都唔係好多姐。佢係有道理既，不過唔一定完全係講道理既。」
「係架，旅行就係想開心架嘛，宜家咁樣變哂質。同埋佢做咁耐司機，應該知有咩地方好食，咁我地都食得好d啦。」
「兩面睇啦，佢可能平時返工對住d人係咁，就用左返工個態度去對其他人姐。」
誰人知道呢？但這樣的旅行比上班還更大壓力。

多聊一會便去洗澡，洗前順道開個大。這裏很難得的有坐廁，但是好像沖水的設計不太好，拉了坨屎沖了很多次都沖不走。看著那顆啡色的物體在水面轉呀轉，就是不肯跟進去探險。
「喂」，我笑著，「舊屎沖左十幾次都沖唔走呀。」
「下，你同我搞掂佢呀。」




我又繼續嘗試著，倒水進去也不成，我也想不到什麼辦法。還是不停沖呀沖，終於消失在眼前了。(皇天不負有心人啦…)

「你地個洗手盤去唔去到水呀?」研究那個馬桶時Herbert走過來問。我跟Kenneth同房，他和嵐天同房。
「冇呀，係個馬桶沖唔走d屎咋。你地果個塞住左呀? 用指甲夾返佢出黎就得架啦。」
「下? 哈哈哈，咁你搞掂左你果邊先啦。」
過去那邊，其實兩三下就把那片塞移出來，主要要做的還是說說明天如何處理司機飯錢的問題。
「我宜家打比徐強講？」Herbert說。
「怕唔怕太夜呀？」我其實還是怕將事情弄得太大，但當下既然開了頭，那也得要勝利，不然讓司機牽著鼻子走可不是什麼好事。
「睇下啦，佢應該未訓既，」當下便打給他。有人接聽，他也簡潔地交待了事情，讓徐強處理。





而在line跟Eric閒聊幾句，他原來做過投行一些類似開荒牛的工作，而且也來香港待過一陣子。感覺這班人一點也不普通。而言談間他亦提起明天他們都會上珠峰。
「原來台灣人聽日都會上珠峰，睇下到時會唔會撞到佢地先。」我一邊把玩著手機一邊跟Kenneth說。他正在相機裏瀏覽著他的作品。
「係咩？不過到時都唔知佢地幾點上，又唔同地方，應該都幾難搵。」
「都係既，睇下點囉。我諗個base camp應該唔係好大既姐。」
「不過你見到都冇咩可以做啦。」
「冇架，見到傾下計咁囉。」假如在珠峰的晚上找得到這幫人一起玩，應該會開心多吧。
移開床舖的行李，把衣服掛在任何可以掛的位置，較好鬧鐘便去睡了。Kenneth整理他的照片多一會後也去睡了。
臥在床上，腦裏泛起那張迷人的笑臉。明天，我一定要找到他們。