世界屋脊上的過客 - 西藏遊記: 同伴 - 共談女生(1) - 尼泊爾餐館

「咁我地宜家點?」Herbert問。
「我其實想行多陣。」我說。
「但係今晚要買野同執定d野喎。」
「咁一係去食飯囉。去岩先佢地介紹果間。」
「我冇所謂呀。」
又回到大昭寺附近，很容易就找到寫著「尼泊爾餐廳」大字的小樓。小樓下面坐著幾個南亞人，從旁邊的樓梯穿上去便是這家餐廳。餐廳二樓的裝潢就像是舊式的茶樓，沿著樓梯再走上去便是景觀開揚的天台，迎在門前是兩個臉帶微笑的尼泊爾少年。
雖然時間尚早，但人數不是少。我們選了一張向著日落的桌子坐下。四個大男人，對著迷人的黃昏晚餐，還真是浪漫得很…

「睇下有咩好食先」，嵐天道。
雖說是尼泊爾餐館，實際上這裏有供應多個不同種類的菜式，也讓我們擾攘了好一大輪。最後不知由誰點了一個咖哩羊肉套餐後，另外兩個便跟著點，再Herbert點了個咖哩雞套餐才了事。




「呢餐又食辣，仲叫埋個雜果酸奶，陣間返到去唔好同我爭廁所呀」，Herbert笑道。
「我地全部都食辣喎，等陣應該排哂隊去廁所。」嵐天應道。
這餐廳做菜似乎要花很長的時間，等啊等，肚子餓了，太陽下山了，變冷了，還是未來。

「呀，等到悶，同台灣仔sd返句去左佢地講果間餐廳都好喎。」我說。
「下，有必要咩?」Kenneth說。
「冇呀，禮貌上講句姐，講完打句good同enjoy your trip就算架啦。」
拿出電話，但又想起自己沒有什麼數據可用，便只是看看照片。
「咁如果係女呢」，Kenneth說。這時嵐天和Herbert已經加入了話題。
「女又唔同喎，女既話咪問返佢上次係到食左咩呀，之後再send我地食咩比佢睇囉。仔既話up完兩句講句ok就算啦洗乜講咁多。」




「喂Anthony哈哈，」Herbert笑著道，「你咁大細超唔得架喎。」
「男人傾計係咁架啦，要傾總有機會傾架嘛。」
「喂係喎咁你有冇繼續同布達拉宮個女仔send message呀?」Herbert還在笑著。
「冇呀，都冇留佢contact。」
「下，有冇搞錯呀，你同埋人地影相都唔留人地contact?」
「冇呀，都冇諗住留。」
「趙完鬆喎Anthony，」他大笑道，「咁樣唔得架喎。」
「冇啦，宜家都見唔返lu，不過頭先當住佢面偷拍左佢好多張。」
「嘩哈哈哈，睇過睇過~」
也許是她的順從讓我感到意外吧，我很想跟同伴們分享這段奇遇。




打開當時拍的一堆照片，Herbert跟嵐天一邊笑著嚷「變態」一邊興奮地掃著。
「你睇人地都擋住你都仲要影，真係好變態~」
「你睇下，個女仔都覺得變態，即刻搵件衫褸住呀~」
「咩呀，你睇下佢個樣就知佢係到暗爽緊啦~」我回應道。
「頂，真係好似d咸片拍出黎咁既樣。」

「喂個女仔比你咁樣影完都仲肯同你合照，都真係好好喎。」笑了好一大輪，Herbert回氣說。

「可能人地等你問佢拎電話呀」，嵐天說，「唉，宜家你就搞到人地好失望啦。」
「頂，咁你地又好似唔想有其他人加入呀嘛，我又唔中意紅衫果件，咁咪冇哎埋囉。」我強辯道。
「你唔食會有其他人食架嘛！」Herbert大笑道。
「妖你地早講啦，我唔知你諗咩架嘛。」
「你果時又唔問。」
這下我也無語了。





電話回到我手裏，看著幾張她嘗試避開鏡頭的照片，回想當時還真的挺瘋狂啦。又滑到那兩張合照，前面有一位大媽，後面是紅衣女生，拍照時機還真的不太好。但望著相中人的容貌，回想當時，其實還是挺有feel的。可惜之後沒有再碰上她了，只有看到那紅衣女生。
其實當時她還有跟紅衣女生在一起嗎? 只是看到我時就找了某個地方起來? 她其實覺得我很可怕嗎…?
但拍照時那觸感，我很確定她是有靠過來的…

有人說，女人是擅長演藝的生物，目的是為顧全你的面子。跟我拍照，甚至依靠過來，也是這個原因嗎? 所以我第一次要求拍照時她沒有理會我?
要是如此，她後來的肯首，又是屈服於我的堅持嗎?

還是，那時我的不解溫柔，讓她落寞隱去?