其實，我只係一個普通MK妹: 開端

番PT，周鳩圍hea，定期上facebook post自拍，收下兵，同D MK仔迷失下愛情遊戲就係我日常生活，但係最近發生左D事，令身邊嘅人望我嘅目光都唔再一樣，好撚討厭人地見親我都一副【噢...你好撚慘豬豬呀，我要小心D講野先得/丫! 我好想知件事到底係點呀!但係問又好似好撚八咁添】嘅樣。 屌! 真係好撚憎。

所有嘢，由我俾人放上連登開始

我唔係第一次俾人放上連登，通常D Post都係【一人一個IG雞】/【大家點睇呢個PTGF】

無他嘅，久唔久我都會Post D夾波相上IG，好自然俾人當係雞係公廁，又唔會好反感，擺得上去就預撚左，我自己知唔係就得喇屌。

直至呢個Post出現【突發】IG雞Vailie五歲已經冇咗豬



屌，又點呀! 我入左去睇，原來係一單舊新聞

【失蹤192小時 被拐五歲女童終獲救】

  警方昨晚凌晨於太子一個單位尋回失蹤八日的五歲女童李梓童... ...

梓童呢個名好公廁，我同校都想幾十個，況且我根本無印象有呢件事

我一直覺得樓主柒左，直至我見到張相



相入面唔見我，但係就有我媽咪13年前嘅樣，佢當時拎住張紙巾，隻眼紅晒

呢個樣，好熟悉，因為由細到大，我成日都見到媽咪襯婆婆公公瞓晒之後，出廳喊

佢以為我唔知，其實我咩都知。

而我唔知嘅，係有呢D綁架事嘅存在，奇怪，我連我老豆細個應承買米奇老未俾我無買到都仲記得，點解呢D事會小小印象都無呢? 

我仔細睇番內文D字，入面話我係因為老豆同人有生意上衝突所有俾人綁架，目的係嚇下佢



條友都痴線嘅，要嚇我老豆去搶佢錢仲好喇! 要佢揀錢同我? 佢一定揀前者。

我再睇落去，單新聞講話綁我嘅人係一個23歲嘅女人

嗯... ... 女人

呢件事一定唔會係純粹生意上衝突咁簡單，當我老豆同女人拉上關係，永遠都唔會係簡單

其實呢個時候，最合理嘅反應就係問媽咪到底呢件事係點

但係我無，因為我已經好耐無同佢講過嘢

因為因為，長期對住一個覺得自己好撚慘嘅人真係好痛苦

條路自己揀，仆街唔好喊



道理咁簡單，但係佢由自己沉醉係痛苦入面

我諗，呢個亦都係我老豆憎佢嘅原因。