［短篇］香港都市傳說: 傳說一：不能觸碰的四不像（二十四）－終結
阿良死後，又過了平靜的七日，Tina在家中安穩的睡著了。
她睜開雙眼時，發現自己竟身處在城大圖書館中。
而整個圖書館都空無一人，只有一名清秀的美少女站在她眼前。
Tina猜到，這名少女，大慨就是阿強和阿良口中的Tracy！
但奇怪的是，Tina竟能保持著記憶，知道眼前的是Tracy！
在夢裏，Tina與Tracy保持著距離，她盤算著，是否不讓她知道自己的Facebook，便能避開詛咒呢？
只見Tracy開口了，跟Tina說話的時間，明顯比阿良和阿強要長上許多。
在說話途中，Tina竟落下淚來，然後又搖了搖頭，像是拒絕相信甚麼似的。
而在最後，Tina拿出了手機，跟Tracy交換了Facebook後，便清醒了。
在現實裏的Tina，臉上仍然殘留著淚痕！
到底，在夢裏發生了甚麼事情呢？
夢裏的事情暫且不提，回到現實後，Tina馬上致電給Keith，告訴他自己夢到了Tracy。
Tina說話的時候，Keith的內心不禁高興起來，他知道，自己總算能擺脫這個詛咒的惡夢了！
「要嚟嘅……始終都係要嚟……Tina，你放心，死嘅時候，我一定會同你一齊！」Keith說話時，內心早已忘掉了自己正在和Tina對話，他只想著如何把Daniel引出來一併殺掉！
對，Keith在這數天裏，一直都在想要不要把Daniel殺掉！
始終Daniel雖然不是被詛咒的人，但根據規則，Daniel身為解開了詛咒的人，他能夠保留所有關於詛咒的記憶，換句話說，Daniel必然會記得Keith殺人的事！
這對Keith來說是無法忍受的，所以Daniel也是他其中一個必需去除的對象！
「Keith！Keith！你有無聽我講嘢呀？」Tina在電話一旁說。
「哦……唔，唔好意思，啱啱我諗緊點樣同你渡過最後嘅時間，所以分咗神，你頭先講咩話？」Keith只好先忘記應該如何除掉Daniel，眼下先處理好和Tina的事情，畢竟Tina是最後一個被詛咒的人，這次可不能失手，否則Keith也不能解開詛咒了。
「我係話，我諗諗下，都係唔想你同我一齊走。能夠生存多一日就一日，你無必要陪住我。同埋，我都唔想自己死果陣個樣俾你見到，我諗住離開香港，搵一個合適嘅地方終結自己嘅生命。」Tina說的時候，聲音有點異樣，但Keith並沒有察覺到這個變化。
「唔得！要我一個人生存喺無你嘅世界，我只會生不如死，你唔可以咁殘忍掉低我架。你放心啦，到時我地一齊服藥自殺，我會同你一齊離開呢個世界！希望喺死後嘅世界，可以同你再一次相遇！」Keith習慣性地說出這種情話，Tina卻沒有像以往一樣，甜蜜地回應。
「嗯……既然你最終決定係咁，好啦……我地就一齊死啦……」Tina的說話似乎在暗示著甚麼，但此刻，所有事情都沒有辨法回頭了……
接下來的時間，Keith除了陪伴Tina外，其餘時間都在反覆思量同時殺掉Tina和Daniel的計劃。
而Daniel，則暗地裏策劃著把Keith殺死。
兩人都各懷鬼胎，而被忽略了的Tina，每次和Keith約會的時候，眼神裏都帶著點點的悲傷，到底，Tina又在想著些甚麼呢？
一切，都將在第七天，Tina預計死亡的時間前揭盅。
「Tina，你緊唔緊張呀？」Keith溫柔的捉著Tina的雙手，關懷的說著。
「嗯，我唔緊張。不過，我想問你最後一次，你真係要同我一齊自殺？你……仲可以選擇返轉頭架！」Tina特意強調「返轉頭」三個字。
「唔得！無你嘅世界，我根本無辨法想像！同埋，我要證明，就算係詛咒，佢都無辨法阻止我地自殺！我唔會俾四不像咁稱心如意！」Keith深怕Tina突然改變主意，便從一個玻璃瓶裏拿出了數顆藥丸。
「呢度有幾粒安眠藥，食咗之後半個鐘左右我地就會瞓著，陣間我就會開著媒氣爐，咁我地就可以瞓住咁離開呢個世界。」Keith把藥丸放到Tina手上，自己則在瓶內取出了數顆，一下子放進嘴裏並吞了下去。
Keith看著拿著藥丸的Tina，用懇切的眼光看著她，仿佛在鼓勵她快點吃下去。
Tina輕輕嘆了口氣，轉過身去拿了杯清水，便把剛剛的藥丸盡數吞進肚裏。
在接下來的半小時，兩人談天說地，一點也不像即將赴死的人，感覺就像是一對普通的情侶。
但諷刺的是，這對情侶並不「普通」，男方對準備把女方殺死，而女方亦隱藏著一個秘密，一個令他對男方徹底失望的秘密。
不管怎樣，半小時一瞬即逝，Keith進到廚房，把媒氣爐打開後，一股濃裂的氣味正慢慢的漫延到整個房間中。
這時候，Keith便裝作頭暈的樣子，比Tina早一步「睡著」了。
而Tina，則在Keith「睡著」後，也不支倒地，躺在地上睡著了。
Keith仔細的感覺著四周，然後微微張開雙眼，觀察著Tina是否已經睡著。
在確認Tina沉睡後，他馬上起來，跑到廚房回收那瓶含有二氧化硫的混合氣體。
「果然聰明呀！雖然唔知你點樣拎到呢支嘢，但你竟然識得用二氧化硫扮開咗媒氣，等果個蠢女人以為你真係同佢一齊殉情。真係高招，亦都夠狠夠賤！」從Keith的背後，傳來Daniel的聲音。
「唔好咁講，我都係唔想Tina知道我係一個點樣嘅人啫！與其俾佢知道真相殘酷咁死，不如等佢充滿希望咁死啦，係咪先？其實我都係為佢，我好人嚟架嘛！」Keith完全不認為自己的行為有任何問題，聽起來還真叫人感到嘔心。
「哼，估唔到你咁都講得出口，不過算啦，呢啲都係你嘅事！你驚呢啲二氧化硫吸入太多有害，驚你自己都暈埋叫我嚟幫手睇場，咁依家我就幫完你啦，我走先啦，我唔想睇住你殺人。」Daniel之所以出現在這裏，正正是受到Keith的請求。
「唔駛咁急喎，等安眠藥嘅效力發揮得再深啲之後我先會殺佢嘅。反正你都嚟到，我其實都有啲嘢想再問你，不如坐低飲杯嘢先啦，咖啡啱唔啱？」Keith決不會就這樣放Daniel離開。
「有嘢問我？唉，好啦，唔幫都幫咗你咁多，唔爭在啦，想問咩呀？」Daniel當然不會放過這個除掉Keith的好機會，他能夠主動留住他，實在是再好不過。
「飲啖咖啡再慢慢講啦！我其實想問嘅係，解開咗詛咒之後，係咪會保留住期間發生嘅記憶啫！同埋，我想問，你殺人果陣係咩感受！」Keith喝了一口咖啡後，便開始發問，但比起發問，他的問題更接近挑釁。
果不期然，Daniel聽到他問及殺人感受時，眼中閃過一絲不快，但又不能發作，因為他在等待時間到來。
「哼！你咁聰明，前面果條問題，我諗你已經估到，唔駛我答啦！至於殺人感受，我諗你會清楚過我，始終你幾日前先啱啱殺完人，依家又準備再殺一個，你無理由要問我啫！」Daniel毫不退縮的回應他的挑釁，並拿起枱上的咖啡慢慢的喝了一口。
Keith在聽到Daniel的回答時，差點忍不住便要發作！
但當他看到Daniel把咖啡喝進去的時候，心裏閃過「Bingo」一詞，隨即強行把憤怒的心情壓著，並回應：
「咁你又錯啦，阿良係死喺四不像嘅詛咒之下，我只係目送佢離開，無真係殺死佢！所以，殺人方面，你先係前輩！」
兩人針鋒相對，互不退讓，但兩人都忍耐著不欲發作，只因他們都深信對方已經落入自己的圈套內。
而在一旁，則躺著一名昏睡著的妙齡少女，席上的兩人則分享著殺人的感受，這畫面實在有夠詭異，但他們又看似毫不在意，仿似一切就像普通的日常生活一樣。
兩人對話了接近三十分鐘，兩人都露出了詭異的笑容。
「係呢，Daniel，其實我想問好耐，你當時解開詛咒之後，第一件事係做啲咩呀？」
「我？我果陣痛苦咗好耐，幾乎一個星期無出過街！再出街嘅時候就係返嚟城大搞埋啲退學手續。你呢，你估你解開詛咒之後又會做啲咩？」
「我呀？我應該會好好沖個涼，之後去個好短嘅旅行，返嚟之後就一切如常，大慨係咁啦！」
「你果然犀利，我真係無辨法做到好似你咁……」
「啫係點？」
「咁滅絕人性囉！哈哈，哈哈哈哈！」Daniel看了看錶，確認了時間後，便說出這句話來。
Keith也看了看錶，也不再忍耐，站了起來，指著Daniel怒道：
「你條仆街講乜撚嘢呀！吓！你同我一撚樣，都係殺人犯，有咩資格咁話我呀！吓！」
「NoNoNoNoNo！你唔記咗啦，你唔係殺人犯！你啱啱先講完，你無殺過人架！你只係殺人都唔到嘅，懦！夫！」Daniel搖了搖頭，繼續挑釁。
「你講得啱，我無殺過人，不過依家，我就要殺人！仲要係殺兩個，我連你個仆…..仆街……點……點解……」本來還怒火中燒的Keith，突然感到一陣暈眩。
「哈哈哈哈！低能仔！你估我唔知你諗咩呀，我一早估到你想連我都殺埋啦！我話返俾你知我當年解咒後第一件事係做咩啦！係殺人呀！當我知道解咒之後原來會保留記憶之後，我就決定將我嘅同伴殺埋！同你諗嘅嘢係咪一模一樣呢！」Daniel恥笑著Keith。
「無......無理由……我……我……明明……」Keith看著桌上的咖啡，眼內流露出不解的神情。
「白痴仔，你知唔知你最低能係咩呀？你最低能係叫我提早上嚟你屋企囉！我嚟到之後，一早估到你會落藥係個杯度，我就將計就計，喺兩個杯度都落晒藥！頭先我扮飲Ja傻仔，你無發覺我之後一啖都無飲過咩！白痴仔！」Daniel一腳踏在Keith的頭上，Keith只能以不忿的眼神瞪了Daniel一眼後，便沉沉睡去了。
「真係輕鬆！Tracy，你諗住今次可以殺得死我咩？我又成功啦！哈哈哈哈！殺完呢兩個人之後，我今次就會離開香港，永遠唔會返嚟，你就慢慢繼續恨我啦！哈哈哈哈！」Daniel對著空氣中大喊，仿似一個發了狂的瘋子般。
未幾，他終於冷靜下來，他低頭看著Tina和Keith：
「本來我都無諗過殺你地架，如果唔係Tracy一定要拉我落水，我都唔駛做到呢個地步！咁後生就死，你兩個真係可憐，尤其係呢個女嘅，望落你又幾靚，可惜！可惜！」
Daniel蹲了下來，看著Tina的臉傍，婉惜的搖了搖頭。
「見你咁靚女，我就殺完呢個低能仔，先去殺你啦！用咩殺好呢？」Daniel看了看四周，都找不到合用的工具，便走到廚房，拿了兩把較鋒利的刀出來，慢慢走向Keith。
Daniel先用一堆棉花，塞進Keith的口內，妨止他發出任何聲響。
然後，他用一個棉被袋，把Keith的頭部緊緊包圍著。
準備好一切後，Daniel拿著刀子，對準Keith的心臟，狠狠的刺了下去。
在刺進去的瞬間，Keith的身體突然震了一震，然後大量鮮血從他的胸口湧出。
Daniel為確保Keith已經徹底死去，他在Keith的喉頭上割了一下，大慨是割破了大動脈的關係，加上心臟功能並未完全停止，鮮血像噴泉般直灑在Daniel的身上。
「呸！呸！呸呸呸！仆街，呢條低能仔唔止個人嘔心，連啲血都臭過人！陣間要沖完涼先可以走啦！唉，好啦，下一個！」Daniel在殺死了Keith後，便慢慢的站起來，準備對Tina下殺手。
「你真係好靚，仲靚過Tracy！真係可惜，咁後生就要死！」Daniel靠近Tina的臉傍，再次欣賞她那美麗的臉傍。
而事情來得非常突然，Tina的右手，不知何時多了一把美工刀，在Daniel貼近Tina的時候，Tina突然睜開雙眼，然後右手一揮，美工刀狠狠的插在Daniel的脖子上。
Daniel完全反應不過來，被美工刀插中的瞬間，大量血液從他的脖子流出。
他連驚恐的時間都沒有，只懂得本能地用雙手按著脖子，嘗試阻止血液從他的身體內逃跑，可惜這並不管用。
Daniel撐大雙眼，死死的盯著Tina，像在詢問：「點解？」
Tina從口袋內拿出三顆藥丸並掉在地上，她根本沒有吞下那些藥物！
然後，她蹲了下來，搜尋著Daniel的口袋，拿出了數張泛黃的紙張：「果然有帶喺身！Tracy果然無講錯！呀，差啲唔記得咗，Tracy叫我同你講，你終於可以試到由充滿希望到墮入絕望嘅滋味啦！同埋，你唔好諗住個詛咒就咁就完，之後，你就慢慢諗辨法，點樣離開四不像啦！」
Tina站起來後，Daniel已經斷氣，而在她眼前，一名清秀的少女出現了，是Tracy！
「Tina，我無講錯啦，男人……呀，唔係！應該係自私嘅人就係咁架啦！」Tracy說。
「唉……無錯，你講得啱，估唔到Keith真係由一開始就想殺埋我……我明明已經提咗佢，要佢返轉頭，點知佢都堅持要殺我……我……我死心啦！」Tina說著說著，眼裏又泛起了淚光。
「唔好咁啦，你已經比我幸運架啦！你已經解開詛咒，無嘢再束縛住你，你可以重新生活啦！」Tracy鼓勵Tina。
「重新生活……你覺得……真係可以咩？」Tina看著室內的兩具屍體，和滿手的鮮血，完全想像不到如何重新生活。
「我……我都唔知……始終當年，我解開詛咒後就俾Daniel個賤人殺咗！不過，你唔同，已經無人會記得你殺過人，我相信你可以重新嚟過架！為你嘅屋企人，為你重視嘅人，生存落去！」Tracy說。
「我……真係唔知……」Tina始絡無法釋懷。
「好啦，我嘅力量消失得七七八八啦，無辨法再留喺度，我要消失架啦。我真係好多謝你幫擺脫咗四不像嘅束縛。」Tracy說。
「唔駛客氣！呀……其實，就算唔依賴我，我諗你都可以殺死Daniel，點解……你要搵我幫手……或者應該咁講，點解你要話個事實俾我知，幫我解咒？」Tina問了最後一個問題。
「或者，我同你都一樣，都係俾個臭男人呃，我唔想你變成我咁，然後個Keith就無事！你真係想知道嘅話，果幾張紙有寫架啦！Daniel呢個賤人諗住解咒之後就燒咗呢幾頁紙，免除後慮。依家交俾你，你睇完之後想點處理就點處理，我都要走啦……多謝你……」說完後，Tracy便消失於空氣之中。
Tina看著眼前的景況，內心竟仍能保持平靜，她知道自己某些關於道德的東西改變了。
然後她坐了下來，仔細的看了那幾張泛黃的紙。
原來，除了記載解咒的方法和那些規則外，紙上還寫下了殺人時的經過和當時的心情。
而那些筆迹，比較像女生的文字，大慨是Tracy堅持寫下的吧！
用意大慨是為了日後，倘若有人中了詛咒後，能知道解咒方法外，亦能預先了解一下殺人者的心情，好讓他們能自行選擇實行與否。
字裏行間中，也多次提及Daniel反對Tracy把這些東西紀錄下來，大慨深怕某一天，詛咒消失了後，這些文字便會成為有力的證據，所以他和Tracy多次為此而爭吵。
而後來，Daniel更在殺死Tracy後，把那些紀錄從日記簿下撕了下來。
在仔細閱讀過後，Tina總算明白Tracy為甚麼選擇幫助他了。
原來Tracy和Daniel，當年真的是委員會的人，Tracy是會長，而Daniel則是副會長。
兩人因為某些因由，被捲入了詛咒之中，當時受詛咒的人遠較Tina這次為多，所以兩人有更多時間找尋解咒方法。
而在尋找解咒過程中，兩人的感情愈來愈好，這正正跟Tina和Keith的處境十分相似。
就在找到解決方法後，兩人立定決心要活下來，並把另外兩個受詛咒的人殺了，解開了詛咒。
原本故事到這裏應該完結的，但Daniel心裏愈來愈感到不安，他不想有除了他以外的人，知道他曾經殺人。
所以在解開詛咒後，Daniel馬刻向Tracy表白。
大慨是因為兩人經歷了同樣的事情，再加上吊橋效應，Tracy馬上答應了他的追求。
Tracy完全沒有想到，這種幸褔原來是虛假的，也想不到是如此短暫。
就在兩人拍拖後第三天，Tracy在Daniel家裏被殺害了。
而Tracy被殺害的一段，明顯是Daniel的筆跡，為甚麼他要特意記下這些事情？
可能是悔咎，可能單純是一個紀錄，又可能是……
原因是甚麼已不再重要，因為Daniel已經死了，答案到底是甚麼，已無法再解開了。
Tina在看完了這數張紙的內容後，又看了看Keith，眼淚又忍不著留下來了。
她知道，雖然Keith這樣對待她，但她還是喜歡Keith的！
證據是，當她看著阿Keith的屍體時，她的眼淚又不自覺的流了下來。
Tina走近Keith的身旁，輕輕的吻了他那冰冷的屍體一下，然後便拔出插在Keith身上的刀，飛快的在咽喉上劃了一下。
然後，Tina就這樣躺在Keith的身上，慢慢地死去了。
之後，某年的迎新導賞團。
「大家要記住，唔好亂咁掂呢隻四不像呀，如果唔係就會受到詛咒，畢唔到業架啦！」一名新生導賞委員大聲說。
「吓？唔係呀？掂下就畢唔到業？就憑呢兩隻核突嘢？喂，你地信唔信呀？」一名女新生帶頭恥笑。
「我！地！唔！信！」旁邊有三四名女生附和，大概跟剛剛那女生是一伙的吧。
接著，她們便輪流對四不像又碰又打的，鬧得好不高興。
「我呸！真係咁犀利，就令我畢唔到業啦！」那數名女生對四不像裝作吐口水的樣子，玩得不亦樂乎。
突然，一名年輕男子靠近這數名女生。
「你地好呀，我叫Daniel呀，你地係咪唔信呢個四不像傳說呀？」這男子友善地說。
「痴線！梗係唔信啦！靚仔你唔係話我知你信呀？咁就算你幾靚仔我都會鄙視你架喎！哈哈！」其中一名女生說。
「哦，我梗係唔信啦，哈哈！係呢，你地讀邊科架，我今年Year2，唔介意嘅話加我Facebook，做個朋友呀？」Daniel拿出手機，向那數名女生都發了交友邀請，他露出了詭異的笑容後，便消失了。
完！