［短篇］香港都市傳說: 傳說一：不能觸碰的四不像（十六）
Keith目不轉睛的看著眼前這個男人，像害怕一旦移開視線，這男人便會從此消失不見似的。
沉默了一陣子，男人開口了。
「我……唔係你口中嘅初代委員長，我諗你認錯人啦！」只見他稍為不安地說，雖然聽上去不像說謊，但明顯感到他在隱暪著甚麼。
「咁……你到底係……」Keith決定不再把「初代委員長」這個身份硬套在這人身上，畢竟知道破解方法更為重要。
「係喎，你未知我叫咩名喎！我叫Daniel。曾經係呢度嘅學生，亦都係你口中，四不像詛咒嘅對像之一。」Daniel在說這話的同時，Keith雙眼已閃出亮光。
「Yes！！！Bingo！！！我果然無估錯，真係有詛咒嘅生還者！」Keith在心中吶喊著。
「咁……咁你係咪可以幫我地？」Keith續問。
Daniel用手抓了抓頭，像在苦惱著甚麼似的。
能感覺得到，他在猶豫著，大慨是在決定要不要幫他們吧。
這使Keith感到非常奇怪，因為在陳同學的日記中，曾提到有一個神秘男子對他講了一些說話。
神秘男子大慨就是Daniel，而陳同學應該亦知道了破解四不像詛咒的方法，但最後他仍然離開了這個世界。
那麼，可能的解釋，就是那個破解詛咒的方法，極為困難做到，又或是要犧牲甚麼東西才能做到。
所以陳同學才一直猶豫不決，直到最後，他選擇了投入死神的懷抱。
「係……係咪有咩困難？」Keith看著Daniel苦思良久，忍不住追問。
「我想知道，你地四個當中，最後出現嘅幻覺係乜嘢？」Daniel反問Keith。
「吓？最近一次……呀！係夢到俾四不像捉住嘅畫面！」Keith回答。
「嗯……咁即係仲有三日！好，咁聽日我嚟搵你地，不過，你地要有心理準備，呢個方法……唔係個個都做到……」Daniel說話時，表情變得非常複雜，很難讀懂他到底在想甚麼。
「聽……聽日？點解唔今日呀，我地真係……」Keith知道他答應了幫忙，雖然感到高興，但時間當然是愈早愈好吧，Daniel卻阻止了他。
「唔得，呢件事……我都要啲心理準備，先可以話俾你地知。你放心，應承得你我就唔會走咗去，我一定會話你地知有咩方法可以避過呢刧！另外，我想知道係你地身上面發生嘅事，愈詳細愈好，你應該唔介意同我講一次架啦？」
Daniel要求知道在Keith他們身上發生的事情，雖然Keith感到有點奇怪，但仍然跟Daniel道出了整件事情的始末。
Daniel聽罷，跟Keith交換了電話，約好了會面時間後，兩人便分道揚鑣了。
在確定Keith遠離了後，Daniel拿出了手機，開啟了Facebook並找尋著甚麼。
「Tracy……估唔到，你仲會喺度……究竟你點樣先肯離開……」Daniel對著手機自言自語，螢幕上顯示著的交友請求中，有一個非常顯眼的頭像，那是一雙發出紅光的眼睛，跟阿強和陳同學Facebook裏的一模一樣，明顯是同一個人。
到底，Daniel，Tracy？
而且，為甚麼在Daniel的Facebook裏，會有一個這樣的交友邀請呢？
這一切，相信很快便會揭曉。
這晚，Keith一行四人，又在宿舍裏分享著一整天的收穫。
只見Tina，阿強和阿良比昨天更顯得沉默，大慨因為接受不到鄭浩宏突然失去聯絡吧。
Keith正好相反，當他走進房裏時，掛在臉上的笑容，實在是過於燦爛，跟室內的氣氛完全不搭。
「咦？你地……做咩咁灰咁嘅？」Keith雖然意識到其他人的調查並不順利，但此刻的他已不太介意，甚至用有點輕鬆的語氣在說話。
三人聽到Keith的說話，都不禁奇怪的看著他，因為Keith不像是個如此輕浮的人，而且在這種情況下，他們實在想像不到為甚麼Keith會這個樣子。
「雖然唔知你地遇到啲咩事，但唔駛灰啦，因為我今日已經搵到一個好重要嘅人！一個可以幫我地全部人解決問題嘅人！」Keith高興的說。
三人聽到後，雙眼總算回復神采，齊聲問：「邊個？」
「佢叫Daniel，就係我一路推測，但無辨法證實嘅詛咒生還者！」Keith說，三人都忍不住站了起來，激動的抓著Keith，仿佛怕眼前這個Keith，只是自己想像出來的幻覺。
「你地冷靜啲！唔好咁緊張，我已經同佢約咗聽日，我地幾個一齊去見佢，同時佢就會同我地講解開詛咒嘅方法。」Keith說出這句話後，大家總算把手放開，阿良更忍不住落下淚來。
「太好啦！阿強，我地唔駛死啦！阿強！」阿良抓著阿強的肩膊，激動地說。
「但……但係點解要聽日先講，同埋……點解我同你都要去聽呀？」Tina雖然也感到高興，但也發現好像有點奇怪。
「呢層，因為佢話佢要啲時間諗下點同我地講，我諗……係因為個方法真係有啲難度，所以佢先要諗下。呀，不如咁啦，咁樣講都好難明，我將我今日發生嘅事同你地講一次啦，有啲嘢我都想確認下。」Keith便把今天在陳同學家裏和在學生辦事處碰到Daniel的事詳情告訴他們。
「成件事就係咁啦，雖然佢話佢唔係初代委員長，但我硬係覺得佢同委員會一定有啲關係！所以，Tina，雖然你地無辨法搵到初代委員長，但我估你應該最少有佢嘅基本資料，初代委員長係咪叫Daniel呀？」Keith向Tina詢問。
「其實關第一代委員嘅資料，我真係完全搵唔到。不過我可以肯定答你，果個Daniel一定唔係初代委員長，因為初代委員長係女性！」Tina這番說話，令Keith對Daniel的疑惑更甚了。
「我反而想知，既然果個男人係有同陳同學講解開詛咒嘅方法，點解最後陳同學都係會死呢？」阿強提出了最重要的疑問。
「呢點我都有諗過，不過都係要等到聽到個方法，先會知道點解。」Keith也放棄推理了，其他人也陷入了這個疑團當中。
「其實我地唔駛諗咁多啦！反正聽日就會知道點做啦，阿強，我地有救啦！」阿良根本不想思考當中的怪異之處，他的心裏早已想著自己已經避開了死神的懷抱。
另外三人雖然仍有疑惑，但既然想不出甚麼來，也就不再多想，反正阿良也說得不錯，到了明天，一切都會解決。
「既然已經解決，我地唔駛再去理果個鄭浩宏啦！無啦啦玩失踪，今日真係俾佢玩死！」阿良續說。
「吓？究竟發生咗咩事？」Keith不解的問，Tina便仔細的把今天發生的事告訴他。
「我地發現佢失咗踪之後，就繼續去搵委員會啲人，但咩都無發現。睇嚟Daniel講嘅真係堅嘅，唔關事嘅人係無辨法參與入嚟！對唔住呀委員長，無啦啦搞到你都被詛咒。」Tina說。
「傻啦，講呢啲！就算你唔同我講，我一路跟進緊陳同學個情況，咪一樣走唔甩。唔好諗咁多啦，過埋聽日，我地就會更加接近真相。今日大家都攰啦，我地早啲休息，聽日一齊去搵Daniel啦！」Keith毫不在意自己被拉進這淌渾水裏。
眾人閒談了一會後，便又各自離去。
這天，看似一切都非常順利。
明天，應該一切問題都會解決吧！