【英雄系列3】大學武鬥傳: 15

15.

阿翼一句，全屋靜哂


「乜...翼仔你以前比人蝦過黎架...？」石仔問


「嗯.....」




阿翼將中學時期被蝦既事一五一十講哂出黎



「嗚嗚...翼仔你好慘呀...」阿玲激動到流出淚水:「果個人咁蝦你，真係好衰囉！」


石仔道:「咁咪好囉，今次係一個好機會比你報仇，打到佢仆街！」





「但係...」

阿翼面有難色:「我都係好驚呀，我好驚一上台見到佢，就驚到咩招式都唔記得哂...」



「睇黎你個心魔都好大下喎...」石仔無奈道:「咁唯一既方法...就只有要你催眠自己」




「催眠？」阿翼問

「嗯...你要幻想你同果個恰鳩你既仆街有十冤九仇，咁你就會發揮到100%既實力架啦...」



石仔吞吞口水:「呢個關口...要你自己先衝破到架」


「不過...我同性奴都一定會支持你架」



阿玲點一點頭，道:「嗯！我地到時都會幫你打氣架！加油呀翼仔」







「咁多人都支持我..我真係好開心....但係呢個心理關口...邊有咁易衝破呀....」







周一，大專武術大賽校內選拔第2輪




阿翼等五人及石仔、阿玲亦已經一早到場

「軍浪bb，一陣比心機呀，打埋呢場就入決賽架啦！」小珠鼓勵軍浪

「嗯....」


「贏左..就可以同徐家既人打...」軍浪心中唸住




「唉...nami仲未到架....」楊能悶悶不樂



「可能..nami今日有野做，唔得閒呢...」小聖安慰楊能:「哥哥呀..依家就比心機打左比賽先啦」

「見唔到...我無心機比賽架啦....唉！！」




此時

「歡迎各位黎到大專武術大賽，城市大學校內選拔第2輪」

美瑠上到台上:「我係你地今日既主持，王美瑠」





「咦...又係呢個女人.....」小聖皺起眉



「首先就係A組四強既賽事，第一場係武術學會既杜軍浪對柔道學會既陳大輝」




「軍浪bb比心機呀~」

「哼，唔駛你講我都會咁做」



「一定要....打低徐家既人！」





「兩位選手準備好未？」裁判舉起右手

「三、二、一....fight！」



身穿柔道服既陳大輝主動出擊，想以當身技進攻

「睇黎佢想用柔道擅長既投技...天真」


軍浪用八卦步且戰且退，右手拉弓

「皇極驚世拳第一式，破天！」



「你呢一招，已經比我睇穿啦！！！」

陳大輝馬上跪下，成功避過軍浪既呢招殺著


「可惡...」


陳大輝捉實軍浪右足，欲對佢使出投技

「呀！！！」




「砰！！！」

軍浪被陳大輝撻落擂台上



「仲有呀！」

陳大輝接住再補一拳，幸好軍浪成功避開


軍浪一個跟斗起身，重新擺起架式

「睇黎...都係要用果招啦」






軍浪先跳向陳大輝，作勢攻向佢



「跳過黎打我？成個空隙現哂出黎啦！！」

陳大輝右手拉弓，準備反擊:「一下昇龍拳打到你飛天！！」



「天真.」

軍浪響一瞬間，用右手捉住陳大輝既前臂


利用呢一下借力，軍浪響空中成功避過昇龍拳


「佢...點解會咁快架？！」



「響你既頭頂度打，咁樣你就避唔到啦...」

「皇極驚世拳第二式，滅地！」

軍浪從天而降，打出一記威力十足既左拳


「轟！！！！！」

此拳強勁無比，擊向陳大輝既胸口

拳風亦令地板震出裂縫


「嗚呀！！！！！！！」

陳大輝被擊倒後，馬上吐血昏迷



「A組四強，杜軍浪勝！」



「哼，原來都只係烏合之眾...」








軍浪行回看台之際

「軍浪bb你好叻呀！入左決賽啦~~」小珠高興得擁抱住軍浪

「哼....」



「嘿，你就係杜軍浪啦？」

一個粗眉大眼既壯漢響軍浪身後出現



「你...就係徐霸天...」

軍浪一怒而視，跟徐霸天對望




「你地杜家既皇極驚世拳都唔錯丫...不愧當年同我地徐家分庭抗禮」

徐霸天嘴角一揚:「不過...唔知道你識唔識，皇極驚世拳第三式呢？！」



「！！！」

軍浪臉色一沉


「嘿，你咁既樣我已經知啦」徐霸天笑住行落擂台:「咁...決賽果陣祝你好運啦，哈哈」



「軍浪bb....佢..係邊個黎架...」

小珠不安問



「佢..就係徐家既人..」軍浪一味皺眉:「當年我地屋企同徐家既人都係皇極驚世拳既傳人，但係佢地徐家就用奸計將我老豆逼出師門...」

「呢個仇...我一直要報...」


「軍浪bb.....」






「皇極驚世拳第三式！天地合一！！」

擂台上既徐霸天雙手合十

氣既強大程度，甚至將四周既空氣吸過去




「呀！！！」

徐霸天雙手發出光芒，原地不動，就將對手打出場外！




「A組四強，徐霸天勝！A組決賽將會係杜軍浪對徐霸天！」



「呢招就係...第三式？！」

軍浪竟感到不安:「如果真係既話...我...一定會輸.....」