【英雄系列3】大學武鬥傳: 12
12.
「無可能既...幻覺黎既姐！嚇我唔到既！！！」
戴施興連續以飛踢進擊，攻擊阿翼既上軸
「啊...果然同石仔講既一樣，只要反應夠快，佢既所有招數都會變得好慢...」
經過街霸訓練，阿翼既反應時間已經比一般人快一倍！
再配上的波子時練到既腳腕功夫，戴施興既腳根本打唔中阿翼
「無可能！無可能架！！！」
戴施興拉開距離，右手握實拳頭，以猛虎之勢衝向阿翼
「斷水流空手道奧義，裂頭擊！！！！！」
戴施興用盡全身之力，使出此擊
「佢呢一下空隙咁大，睇黎係機會出果招啦...」
阿翼唔單止冇避，仲對住戴施興既方向直奔！
「阿翼...你做咩呀？！！！」小聖大叫
石仔輕鬆地飲住乳酸飲品，道
「放心啦靚女！翼仔佢...一定贏硬架！」
「右腳踏前，腳腕轉左，以180度轉去後面....」
「右腳踏前，腳腕轉左，以180度轉去後面....」
「右腳踏前，腳腕轉左，以180度轉去後面....」
「右腳踏前，腳腕轉左，以180度轉去後面....」
「右腳踏前，腳腕轉左，以180度轉去後面....」
阿翼唸住rina教佢既口訣，衝向戴施興
「佢係咪傻左呀？！竟然仲衝過黎？！」
戴施興心頭一算，但只係繼續衝前
「去死啦！！！」
戴施興揮動拳頭，轟向阿翼
「係呢度啦！一米距離！」
阿翼利用左腳作重心，腳腕轉左踏起，響空中迴旋，完美避開戴施興既殺招
盤旋既姿勢，就如燕子一樣
阿翼響空中剛好轉個180度，面對戴施興既背脊
「佢....佢....點可能架！？」戴施興心中一萬個不明白
阿翼拉起右手，手掌成手刀狀
「呀！！！！！終極黃金斬！！！！！！！」
阿翼集丹田之氣於右手中，右手手刀一擊打往戴施興既後頸
「轟呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀！！！！」
戴施興食下「終極黃金斬」後，應聲被擊昏，飛出幾米外
阿翼整個動作，只用兩秒，就將戴施興KO！
「一、二、三、四、五、六、七、八、九、十！」
「C組第一場，容飛翼勝！！」
全場馬上歡呼
「難以置信...空手道學會會長竟然輸左？！仲要係比呢個牛奶仔打贏左....」
「原來呢個靚仔咁犀利架....」
「我...我打贏...我打贏左呀....」
氣力放盡既阿翼微笑住，跪響擂台上
「阿翼！！！」
唔單止小聖，眾人亦都衝上前
「小聖...」
「翼仔！！！！！」阿玲擁抱住阿翼:「你好犀利呀！！！！」
小聖眼見阿玲同阿翼如此親密，不禁扁起嘴
「呢個老女人想同我爭阿翼，咩居心呀！」
「哈哈，翼仔你果然犀利喎...仲要咁短時間就學識用『氣』，今次武術學會唔駛接埋啦！」楊能笑道:「睇黎...你師父石仔教得你幾好喎！」
「駛乜講呀！....不過我幫左你地過呢關，你地係咪應該要有d表示呢？」
「緊係得啦！請食飯又點話！拉大隊，去軍浪家姐間餐廳開大食會！！！！」
楊能興高采烈問:「nami...你去唔去呀？」
「...嗯！好呀！」
「歡迎光臨...」正在執枱既偉叔問:「咦，係軍浪同小珠你地呀！？今日咁多人既」
「今日軍浪bb、阿翼同楊能都打贏左比賽呀！咪黎慶功囉！」小珠攬住軍浪笑道
「係呀...叻仔喎！！」薰姐姐摸住阿翼同軍浪既頭:「咁等我整d好野比你地食先啦！」
「老野...」軍浪對住偉叔道:「頭先比賽果陣....我見到...徐家既後人」
「！！」
呢一句，令偉叔同薰姐姐臉色一沉
「軍浪，你肯定？！」偉叔點起香煙
「嗯...我親眼睇住佢出皇極驚世拳...佢同我同組，即係話我好大機會要同佢打一場」
「咁....加油啦，要為我地出返啖氣」偉叔木無表情道
「到底...發生咩事呀？」小珠問
「殊...」薰姐姐將手指放於嘴前「小珠..呢d事都係留返我地屋企自己解決啦..」
「.....哦....」
小珠心想:「軍浪bb佢地咁緊張既...唔通係d大件事黎...？」
「野食到啦！」
薰姐姐捧住一碟碟佳肴，放到各人面前
「哈哈！大家隨便食，唔駛客氣！！！」楊能豪氣道
「多謝楊能！！！！」
「哥哥做乜忽然咁豪呀？平時叫你請我食飯都唔肯架喎！」小聖輕聲笑道
「喂！細聲d丫....」楊能拉住小聖，望望旁邊既nami:「我緊係要比d好印象nami啦！」
「我記得...阿翼好似唔識功夫架喎...係邊個教佢架？」薰姐姐問
「教翼仔功夫既，正係小弟」
石仔沾沾自喜:「呢位小姐就係軍浪家姐啦？我叫石至磊，你好！」
「你好呀，我叫杜雪薰！你叫我阿薰得啦」
石仔拉高身體，視姦住薰姐姐既乳溝
「嘩...呢條女樣又靚，對波又大~~~比我執返劑就好啦~~~」
石仔乘勝追機，繼續跟薰姐姐聊天:「頭先阿翼之所謂贏到，全靠我教識佢......%^%$&^%&%$^#^$%&^%^%」
「死石狗...見人地身材好少少就發哂癲咁...」眼見石仔跟薰姐姐聊得高興，阿玲心裏酸溜溜
「我要比綠帽你戴！」
阿玲遞上意粉到阿翼口中
「翼仔食意粉丫！」
「你個老女人又出招？！」
小聖心知不妙
「阿翼，食豬扒丫」
「豬扒咁熱氣，食沙津丫翼仔」
「沙津好肥呀，飲啖綠茶先啦阿翼」
小聖同阿玲不停對阿翼餵食，快要將阿翼既口腔逼爆
「你地...可唔可以停一停呀...」
小聖同阿玲互相仇視對方，視對方為情敵
「你個靚妹，翼仔對你明顯冇意思啦！」
「你個老女人，已經有男朋友都仲搶阿翼，水性陽花！」
「$#%#$$#^$%^$%$#%#$#%$$#%」
「$#%$#^$%^%&^%&%^&$%^#$%#」
「唉.......」
飯後
「楊能，我返去先啦」nami向楊能道別:「今晚多謝你請我食飯，你地成班人都好得意呀」
「哈哈唔駛，咁...駛唔駛送你返去呀？」楊能問
「唔駛啦，我屋企響九龍灣，好近咋....丫係呀」
nami接住道:「楊能....我黎緊星期三下晝三點響港大有比賽呀，你...黎唔黎到睇呀？」
「吓....黎..」楊能成個人目瞪口呆:「黎到！一定黎呀！！」
「嘻，咁就好啦...到時記得早d到呀...」
「嘻嘻！nami約我睇比賽呀..」
阿玲拉住阿翼雙手:「翼仔，我唔捨得你呀~~~不如你今晚都上黎我度丫！」
「吓....」
「走啦性奴！咪搞翼仔啦！！」石仔將阿玲拉返過去:「翼仔你過幾日先搵我啦，我呢幾日同性奴玩監禁調教呀，
呵呵」
「咪拉住我呀死石狗！翼仔救我呀！！！」
眼見石仔同阿玲離開，阿翼終於鬆一口氣
「阿翼...」小聖扁起小嘴:「你同呢個女人...到底係咩關係呀！」
「吓......我同阿玲....」阿翼尷尬道:「佢係石仔師父個女朋友黎既...不過佢成日比石仔蝦，所以就...」
「哦....咁..原諒你啦！」
小聖心想:「阿翼咁靚仔...多狂蜂浪蝶...都係正常既....」
「不過...點解小聖你，咁緊張既...」
旁邊既小珠笑道:「小聖你面都紅哂喎！呵呵！」
「邊...邊有呀！」