【英雄系列3】大學武鬥傳: 2

2.

「嗱，依家果個傷者決定唔報警，但係你都唔好再打人啦吓！」

「哼..」

軍浪被警衛押出保安室






「軍浪，你搞咩黎呀...」阿翼上前問

軍浪輕描淡寫:「果個人太mk，我純粹睇唔過眼姐」



「唔係掛，咁都算係打人理由？」






果個小珠又唔知響邊度彈出黎，挨住軍浪:「軍浪bb，咁耐冇見，不如一齊食飯丫！」

「你好煩..」軍浪冇理佢，繼續向前



「喂，你呀」



楊能企正響軍浪面前

「加入我地武術學會丫」

「冇興趣」



軍浪正想越過楊能之際

楊能一手就捉住軍浪:「喂，唔駛咁cool下話」

「縮手..」軍浪正想發勁揮開楊能，卻發現無論點樣發力，都甩唔開楊能既手

「一係咁啦，我同你打一場，我贏左既話你就要加入武術學會，你贏左既話...我以後唔會再煩你，ok？」





軍浪怒睥住楊能

「好...反正你唔會贏到我」軍浪竟然咁順攤

楊能胸有成竹:「嘿嘿，睇下點」



楊能帶眾人去到康樂樓既一樓

「嗱呢度呢就係soc房，d soc呀..學會呀..果d全部都係響哂d層架啦」楊能不停地為佢地講解



楊能打開走廊盡頭既門，裏面係一間頗為大既房

除左電腦，梳化、擺放武術書籍既櫃之外，佔得最大地方既就係房正中間既擂台，係人地打MMA果類


「呢間，就係我地武術學會既soc房啦，係咪好大呢，嘿嘿」

小聖:「哥哥你仲好講，果陣係你威脅學生會會長，先有咁大間房之嘛！」

楊能摸摸頭:「小聖你唔好咁講，咁條友的確係有痛腳響我手嘛」


阿翼問:「其..其實係咩事呀？」

「果個學生會會長有玩sex cam，我假扮女人引佢上釣，再用佢露JJ d片要脅佢囉，哈哈」






「我唔想聽你講廢話，要打就快d」軍浪道

「唉得啦得啦..」楊能除定波鞋:「咪住先.....點解你會跟埋黎架？」楊能講緊既「你」係指小珠


「咁...我要跟住軍浪bb丫嘛！」小珠挨住軍浪:「嫁雞隨雞，如果軍浪bb都入黎武術學會既話，咁我都會跟住入架！」

楊能笑淫淫道:「呵呵，咁我一日內咪收到三個新會員，好呀」

軍浪似乎唔太鐘意小珠:「..你好煩」





楊能同軍浪同時上台

「講左規矩先，邊個跌落地下，邊個就算輸，除非是但一個輸，否則比賽仍然會繼續...有冇問題呀軍浪？」

軍浪拉起衣袖:「冇」

「咁...小聖你幫我做公證，好嘛？」

「嗯..」



軍浪依舊木無表情，相反楊能就臉帶輕鬆


小聖舉起手，伸出三指

「咁我數三聲就開始架啦」

「嗯」「嗯..」


「三，二，一，fight！」



「極速子彈拳！」

一開打，楊能就如猛虎出籠咁，不停以雙拳進攻軍浪既前方

軍浪面前如此頻密既攻擊，竟然放棄防守，以雙拳同佢互搏

就咁睇，軍浪既拳應該係快d，頻頻擊中楊能



「嘿，竟然同我互毆咁夠薑！」

「哼」


「你既拳都幾快，睇黎我要認真少少啦！」

楊能既雙腳彷如紮馬一樣架起，手掌亦形成弧型


「你大獲啦！唐屍三百手！！！」

楊能雙手四出，手上既弧成功擋住軍浪全部既重拳


「吓..」軍浪大吃一驚

「嘿」

楊能乘住軍浪猶疑一刻

雙弧就好似食人花咁，食住軍浪既雙手



「可惡！」軍浪都冇諗到楊能有此一著

楊能笑道:「呢招唐屍三百手，就係專用黎對付呢d又快又無規律既拳架啦！」

接住以一記腿擊，伸開軍浪，隨即飛向擂台對面



「軍浪bb！」小珠非常肉緊，彷佛軍浪真係佢男朋友咁

當然軍浪都唔係等閒之輩，以右手發力支撐，將失去平衡既自己成功固定

「未算跌落地...係咪？」

「哈，真係有d料到喎」



「下一招...就要解決你」

軍浪紮起馬儲氣，右手拉後

此刻間房成個氣場都好似變哂咁

「嘿，就係頭先果一招啦..」楊能笑道



「皇極驚世拳第一式，破天！」

軍浪大喝一聲，左腳踏地，飛身一記重拳，衝向楊能


此拳比起剛才響體育館果一記強得多，氣流都跟住呢一拳咁流動

好似係想將楊能既生命奪走一樣！


「皇極驚世拳...，我今日都係第一次見咋，哈哈！」

楊能仍然未有避開既意欲，唔通佢唔怕死？




軍浪既拳風已經吹到楊能既面前

「哥哥！小心呀！！！」小聖緊張地大叫

「小聖你同我定啦！」

楊能出手，硬生生將軍浪既手臂捉住


「咩..咩話，我既...」軍浪有點唔相信眼前既事，自己既拳竟被楊能化解

楊能用左手抹抹汗:「嘩，不愧為皇極驚世拳既傳人，要捉住你呢一拳都唔係易事」

「之後，到我出招啦」


「迴轉壽屍！」

楊能借助軍浪既拳力，腰一轉，將軍浪撻落地上



「軍浪bb！」

小珠跳上擂台，問候軍浪


楊能鬆鬆手腳，望住地下既軍浪「點呀，你跌左落地啦喎」

「哼..」軍浪抹住嘴角既血:「...願賭服輸，我會加入」



楊能望望小珠:「咁...小珠呢？」

「緊....緊係跟埋軍浪bb入黎啦！」小珠摸住軍浪既傷處:「點呀軍浪bb，痛唔痛呀？」

「你唔好摸我得唔得....」


「咁樣..我地武術學會依家有..我..軍浪..小聖..小珠....仲有」

小聖細細聲提:「哥哥，你唔記得左阿翼呀」



「呃係喎..sorry呀翼仔，即係依家有5個人啦，好野！岩岩好夠人參加今年大專武術大賽啦」

阿翼問:「大專武術大賽？」


「嗯，呢個比賽係上年開始搞既，不過大會要規定要夠5個人既學會先可以參加」




「今日咁開心，今晚我請食飯！當係慶祝武術學會正式成立！」楊能興高采烈道

小聖高起地附和:「哥哥好野！咁食咩呀？」

「就...樂富果間老友記茶餐廳啦！個女收銀好撚正架，又大波！」


「吓...！」阿翼不禁大叫

「做咩呀翼仔？有咩問題呀？」

「呢間茶餐廳...係軍浪屋企人開架....」