一個書生既Player故事: 三六八

每日放工我同江柏琪都會去行各式各樣既傢俬舖。
 
新屋比起舊屋好細，買既野唔多，但我地都被買傢俬呢件事折騰咗好多日。
 
要買啱款，更重要係要格價，expense喺一個可以接受既budget入面。
 
「行極都唔啱！好攰，唔行啦！返屋企瞓覺！」
 
有時候江柏琪會行到燥底，唔想行。
 


呢個時候，我就好重要，發揮哄佢開心既作用。
 
「前面仲有兩間，好快就行完啦，行埋先啦。」
 
就好一班人去行山，總有個教練會不停同你講，仲有兩步就到終點。
 
真係睇唔啱，就會由江柏琪做淘寶小隊，將全屋既林沈野淘返黎。
 
你撐下我，我撐下你，大概就係我地關係既形容詞。
 


生活鎖碎事繁瑣，卻也值得。