一個書生既Player故事: 三五二

我拖住江柏琪送佢返屋企。

江柏琪喺浪漫既街燈下講：「所有新鮮既感覺最終都會化為細水長流既生活。」

「大前題係，佢可以列入流水既Category。」我回答。

「大多數人喺開頭既時候已經放棄唔打呢一關。」

「好似行山咁，最美好既風景一定係要經過好多既汗水同努力先至睇到。」
 


「我地好似越級昇華咗做細水長流。」江柏琪話：「我覺得有你喺身邊每一日都好幸福，我既生活已經不能沒有你。」

「你咁講即係咩意思？」我不敢抱有寄望。

江柏琪用普通話講：「你想知道答案嗎？」

 「拜託不要現在告訴我。」我當然要用返柯景騰既台詞去回敬江柏琪。

「。。。」忽然傳來電話震動既聲音。



江柏琪一摸衫袋，原來係佢部電話響。

「喂，媽？做咩事？咩話？婆婆喺我地屋企跣親？我而家即刻返黎。」江柏琪好緊張咁話。

「我婆婆跌親，我要返去睇佢。」

我意識到事件既重要性，當下立刻變得認真了：「我而家車你返去。」

「嗯，麻煩你。」