一個書生既Player故事: 三二九

「鈴～鈴～鈴～」這是個討人厭既電話鬧鐘鈴聲。

「SHIT！」我一望鐘，已經係朝早十點，我地返工既時間係十點半。

要即刻起身十分鐘內換完衫跑到落地鐵站搭車再要行人路通順先有可能準時返到工。

「Step，快D起身啦，我地就黎遲到！」我係咁拍Stephanie既手臂。

「？？？」Stephanie睡眼惺忪，仲未反應過來。



「十點啦！我地今日返午更！」

Stephanie聽完嚇到成個人彈起：「呀，遲到啦。」

「我返房刷牙換衫先，我地一齊搭的士落旺角啦。」我話。

「下，搭完的士，今日咪即係白做。遲一次半次，唔緊要既。」要知道係Peak Hour遲到，老闆係好唔Likey的。

「咁我地十分鐘後Lobby等。一齊跑落去。」



「好。」

我返房，Parsons早已走咗去返工。

我以九秒九既速度刷牙換衫，頭都無Gel就落去Lobby會合Stephanie。

我本來既Plan係喺歌和老街截的士，舒舒服服落車再行去Cafe。

Stephanie非常緊張，帶住我跑落地鐵站。



夏天我通常都會寧願行慢少少，經有冷氣既AC3行十至二十分鐘去到Podium再去地鐵站。

而唔會喺行出Hall一分鐘已經出汗既大熱天，跑大斜路直衝去時光隧道地鐵站（以劉翔書生既速度我諗五分鐘內落到地鐵站？）。。。

但由於我接納咗Stephanie既意見，「阿。。呼。。好累呀。。」Stephanie跑到喘晒氣，同大汗淋漓既我一齊中伏。

媽呀，真係好伏。

上到地鐵既車廂先至叫Check Point休息。

「早知聽你講，俾少少錢搭的士落去算，跑餐死。。。」Stephanie話。

「不聽書生言，吃虧在眼前。幾時會水你嫁我！」





返到去見到已經換晒制服，Ready緊Peak Hour既Parsons。

忙碌既Parsons並無察覺我同Stephanie遲咗幾個字返工，仲要一齊入黎。

佢一見到我，就問我：「琴晚沖完涼唔見人，你去咗邊？Carmen成晚係房煩9住晒話要搵你呀。」

「去左人地房度訓囉。」講完我用一個勝利既眼神望住Stephanie。

Parsons無為意到書生既眼神：「又食女。好心你啦係度食唔好係度柯啦，搞著我地。」

「都話咗無食。」我拍拍Parsons既膊頭：「咪嬲啦，至多介紹幾件正女俾你識啦。」

「咁又唔同講法。」糖水經已收買唔到Parsons。



說罷，有客人揮手要求落單，Parsons就離開咗我地既對話。

趁住Parsons唔為意既角度，我用手Meet Stephanie塊面仔玩。

Parsons一唔係度，我就會放肆係咁撩Stephanie玩，好似拍拖係度耍花槍咁。

Parsons一另轉頭，我地又會變返正常既Hallmate，細個有無玩過偷情既Flash小遊戲？Exactly就係偷緊情既感覺。

我都解釋唔到點解自己要咁做，好玩掛。