一個書生既Player故事: 三二五

Stephanie 又上咗黎Felix間房，今日我地四個都返晒Hall好齊人。

Stephanie一入到黎就好興奮咁話：「話說我去間cafe見工，撞正Felix都係果度返工。」

「又會咁橋都有既！」Wade話。

「間野仲請唔請人？我都好悶無野做，不如一齊返工。」我提議，一齊返工，就可以多D時間見到Stephanie，唔洗局限喺Hall入面。

「Good la！我都想搵下錢。」Parsons話。



因為Stephanie既介紹，老闆Interview都無，就請晒我地三個，一齊排更表返工。

呢間Cafe係走中價錢路線，感覺文質彬彬，水泥牆身工廠風格，配以木製既傢俱。

有時可以五個人一齊返工，有時就得我一個同埋其他新認識既同事，我平時都比較得閒，所以個Timetable基本上係Random Fill補洞。

呢間餐廳最值得一讚既地方係有好多著住校服青春少艾既學生妹。。。

試過有學生妹望足我全餐飯，我行埋去，佢就發曬姣，含春望到明星咁既樣。走果陣佢班朋友迫佢同我影相，仲問我攞IG留Contact，個場面係幾搞笑。



我則以「返工老闆唔俾我同客人交換Contact」為理由婉拒咗。

因為，如果我對你有興趣既話，直頭會偷偷地請你飲野，係咁過黎R水吹啦，係咪先？對於點樣識女仔，做過呢類型工作既人應該好有共鳴。

講笑咋，年輕既學生妹唔啱我，我會覺得自己係怪叔叔。我細個睇龍珠、爆旋陀螺，而你同我講什麼妖怪手錶，好大條Generation Gap。

呢間餐廳最正係，場地正中間有一個表演位置，晚上會有Live Band表演。

喺無人或者落場既時候，我會手痕彈下結他，借用老闆既場地拍底自彈自唱既片段。



我喺Hall比較少玩結他，因為當我練習音樂既時候，需要無比專注，咩人都唔會理。

老闆夾開Band，唔同類型既音樂都識得玩。心情好既時候，佢仲會單對單教我基礎既打鼓方法。

如果返酒吧學識調酒，返呢間餐廳就則令我既音樂技巧進步咗。

我賺到既經歷，遠遠多過呢份微薄既人工。

日頭仲可以同Hallmate見面，延續On99既對話，有時喱係水吧個位度蛇王吹水自拍，幾乎朝見晚見。

所以我返呢份工都幾開心，亦都唔介意「OT」。