一個書生既Player故事: 三一七

返到Hall既時候，已經差唔多凌晨兩點。

「啱啱撞到你同Hailey應一應，下次扑野鎖門同埋講聲啦仆街！」Parsons話：「唔係我帶咗女上黎咪你眼望我眼。」呢段對話自從住Hall之外老是常出現。

「帶咗女上黎，咪去借Felix間房囉。」糖水都慳埋。我唔止理直氣壯，仲非常厚臉皮。

呢一刻既我心情極差勁，只想摺埋休息。

我以最快既速度沖涼。



「今日好攰，訓先，你過隔離啦。」我關上房燈，趕Parsons過Felix房。

今晚Parsons好乖，即刻就拎埋電腦過去隔離。

而我則獨佔806A，享受一個人既時間。



喺床度回想剛剛同Stephanie喺天台花園發生既一切。



Stephanie。。原來都係會搵SP既人。

我覺得自己真係好傻好天真。

我都幾多歲人？同咁多女仔交過手，都仲會一廂情願地被Stephanie純真既外表欺騙。

仲要幻想可以同呢個人認真拍拖。

該要慶幸一早同Stephanie發生關係，好讓我睇清佢份人，不至於開始一段唔理智既關係。



搵一個自愛又乖既女仔，可以大大降低佢出軌既機會。

當然有人會話，佢單身搵SP有咩問題，我自己都成日同唔同女仔扑野嫁啦。

唔同的，男人係好自私既動物，只許州官放火，不許百姓點燈。

我可以咁樣做，唔代表我容許自己既女朋友可以做同樣既事。

我係對愛情無信心既人。

小小事已經足以令我將一個人既信任由天堂既級別跌落谷底。

點解要約Stephanie去夜闌人靜既天台花園？點解偏偏要講D咁Flirty既笑話？點解我要下體先行唔拒絕Stephanie既引誘？

有好多步可以避免到今日既事發生，但係我無咁做到。



到底係我太蠢，真係反應唔黎；定係有心希望令呢D花生事件發生？

連我自己都答唔到自己。



有人話，你想認真，就唔該表現出認真既樣子，唔好令人誤會，係你既責任。

既然都錯咗，不如由佢錯落去。

順住自己想做既方向發展。

反正我已經唔打算同Stephanie拍拖。



我心裡盤算緊，喺大學入面發生既關係直到我幾個月後Quit Hall、畢業，都會自然而然地完結。

有時Even係你想玩，人地都唔會侵你呢玩。

必須提醒自己，所有關係都有個期限。

唔將自己個心交出黎，就係保護自己既最佳方法，失去既時候都唔會咁心痛。

我唔想再次經歷得到愛人又失去既感覺。

太痛苦。

我：【Good night.】我Delete咗Happn個App，以Whatsapp同Stephanie既真身講晚安。

呢件係我呢一刻最想做既事。