一個書生既Player故事: 三零八

訓到夜晚九點多，我送Michelle落去樓下一齊食飯。
 
慣性地出咗房就扮咩事都唔記得。
 
由唔知幾時開始，我同Michelle就已經唔再傾得好Deep，唔會再講下唔同地方既歷史、新聞，或者發生喺自己身上既事、最近識咗SP什麼的。。。
 
成餐飯都係閒話家常，主要都係講下佢畫畫，呢類輕鬆又無傷大雅既事。
 
一齊經歷過美好既歐洲旅程，有過好令人憤怒既時刻，又共過患難，回想過來，呢一點一滴既回憶竟覺得美好，令人不自覺會心微笑。



或者前女友與前男友偶斷絲連既親密都係有時間限制的。


SP：【落Club未呀？】夜晚十一點，返到房時收到SP既Message。


「死仔，而家仲敢帶Michelle上黎扑野。」Parsons一見到我，就話：「你真係唔識驚嫁喎。」
 
「車，都係得識我既你地知我係條片既男主角姐。」 無錯呀，上鏡既係Michelle。



「你同佢有傾開計嫁咩？」

「唔多，係前排佢因為條片既事搞到唔開心，見過下安慰下佢。」

「安安下就安到上Hall。Flap flap flap。」

「佢撩我嫁咋，唔關我事。」

「屌你，條條女都黎求你屌佢，你有無咁多女鐘意。」



我左右手張開，搖頭表示：「鬼叫呀媽生得我咁靚仔，我都唔想嫁。」

「有D肚餓，過去Felix度偷野食先。」我話。



我徑自推門而入，見到Felix同Step單獨喺房打緊無雙。

「乜Stephanie你都打機嫁？」我問。

Stephanie沒有回答我既問題，緊閉嘴唇，眼睛無法從電視熒幕移開。

「哈哈，我啱啱教佢打機。你睇下佢專心到野都講唔到。」Felix話。

「有無咁難呀。」我話。



我坐喺Felix隔離，拎起電話，覆返SP十一點Send俾我既Message。

我：【又取消咗唔落啦】

我見到對面床Stephanie身旁邊既電話熒幕亮咗燈。

我坐喺Stephanie隔離，試圖搶走佢個手制。

Stephanie轉身拒絕，認真黑面卻俾人感覺溫柔：「喂呀，唔好搞啦！」

最搞笑既係佢眼睛從來無離開過部電視。

之前都話，SP出現既Timing太奇怪，早不早，遲不遲。



就喺我地介紹完交友APP既晚上就出現，仲要主動搵我，令到我有懷疑過佢係咪認識既Stephanie。


今次似乎出現一個俾我驗證既機會。


我趕忙喺完場之前再Send多個Message俾SP。

我：【你做緊咩呀？】


[Happn] 你收到來自 書生 的一個訊息。


『果然。。。』我真係太聰明啦！



我忍唔住望一望Stephanie。

點解佢要叫SP，又要主動黎Add我吹水呢？

想識我咪堂堂正正R個電話Wtsapp囉，兜咁大個圈搞埋呢D大龍鳳。

有時候你唔會明D毒撚諗乜，你唔係果個層次既人，唔好Expect會理解到。 

從表面睇，Stephanie性格係內儉的。

但從佢一個乖女仔落黎飲酒、肯打機、仲改名叫SP黎認識我，識落卻發掘到佢係一個幾貪玩既一面。