一個書生既Player故事: 三零六

一朝早起身上堂，我就收到Michelle既Whatsapp。

Michelle：【今晚落陪我落Club好無？】
我：【乜你平時有落開Club咩？】我印象中，無喺佢IG見過落Club既相。
Michelle：【以前唔落，而家會落】
我：【你想幾點落？】都有一排又無見Michelle，唔知佢近來可好？
Michelle：【七點去你Hall搵你食飯】 
我：【OK】

無啦啦搵我落Club，肯定有事發生唔開心。



有時覺得我既女仔朋友，開心既時候就過佢既快樂生活，唔開心先會黎搵我。

好聽D叫做永遠既避風塘，唔好聽就叫情緒垃圾筒。


上完堂，食完頹飯就返Hall補眠。 

即使已經試過好多次，直到而家，我每認識到一個啱傾既人，喺我地第一次sd message之後，都會好期待下一次既交流。



今日既我不自覺地期待SP既Message。

但等到四點，都無收到佢既訊息。

我唔想依段對話咁快完結，所以我主動搵佢，問一D好無聊既問題。

我：【今日有咩做呀~】
SP：【去左搵食囉^^】食好西？
我：【我又要去食】
SP：【有機會同你去食啦】


我：【你話架，唔好走數喎】一D空洞無乜意義既對話，瞬間將我想開始對話既心情打入谷底。
Sp：【係啦係啦】
我：【訓陣先～晏D同frd落club補定眠】唔好Chur人傾得太多無聊話，出現下刷下現在感就足夠。


七點鐘，我俾Michelle打黎既電話嘈醒，佢好準時出現喺我Hall樓下。

Michelle既髮型變咗紅色既Highlight大曲髮，化咗一個較Smokey，眼影好閃好搶眼既妝容，帶上格紋畫家帽，著住黑色連身短裙，過膝修腳長靴，擺脫堅持已久既黑髮以及柔和色系，整個人由清純既女神變成高貴既女人，好似喺電視度出來既人物一樣。

「嘩，今日好戰鬥格喎。」我讚賞Michelle。

「有喜慶事？」我問。

「心情好咪扮靚D。」



「呢個係咪我認識既女神Michelle？」我玩弄Michelle既髮尾。

「係阿。」Michelle微笑回答。

「我啱啱先起身，等我刷牙換套衫先。」我同Michelle講。

「你拍咗我上去先，我唔想企喺Lobby吹風。」

「好。」

拍咗Michelle上Hall，沿途都無撞到人。

直至臨去到房門口，撞到Wade出去Common斟水，佢不發一言，我睇到佢既眼神正在話「安全D」同埋「請我食糖水」。




唔想有人入房認出我同Michelle，所以一返到房間我就將房門鎖上。

Michelle係第一次參觀我既房間，眼仔碌碌咁。

「隨便坐。」我叫Michelle坐喺Parsons張床度等我。

我拎咗件黑色冷衫同埋長褲放喺床度，一邊同Michelle傾計，一邊更衣。

我將Soc褸同埋Hall Tee慢慢脫下。

「你單官司點呀？」我問。

「我同媽媽講掂咗，我唔會告Jerry。」

「下？點解呀？你有咁多證據喺手，實告得入嫁喎。」



「我唔告Jerry並唔係因為我寬恕佢。我唔想件事再繼續落去，亦都唔想再提起十次百次。低調係最好既方法。」

「最緊要佢無再煩住你，件事告一段落。」Michelle份人好軟弱，咩都退縮想唔理。但潑出去既水已經係鐵一般既事實無法改變，我再去Challenge Michelle無意思。 

我把上衣穿好，並脫下褲子準備更衣。

我同Michelle講：「佢仲帶黎咗一個我從未見過既Michelle添。」

「我係諗，即然係人都當我係一個濫交既女仔，不如我真真切切咁個咁既女仔，如佢地所願。」

「你係一個咁既人咩？」

「偶爾都想放下做公眾人物既包袱，隨心所欲。」Michelle後背式去擁抱我。



Michelle既右手向下撫摸小書生。

「呢個就係你約我落Club既目的？」我問Michelle。

佢無答我，右手變得放肆，用力揸住小書生。

久未使用既小書生異常敏感，Michelle既輕輕挑逗，加上佢今日富有女人味既打扮，好輕易就令到小書生脹大變硬。

我拉開Michelle既手，輕吞口水，將Michelle撲倒在床，壓低聲音喺佢耳邊講：「你想要咪同我講，唔洗搞咁多野。」