一個書生既Player故事: 二八八

「你要Maisy電話？」我問Parsons。

「係呀。」上次分享完食評，Parsons對Maisy更加有興趣。我以為會告一段落無下文，點知過咗幾個禮拜，Parsons會同我追問Maisy既電話。

「下，你真係去叫雞？」我問Parsons。

Parsons生得高，正常外表，份人玩得、口才好，工作時認真高質素，對兄弟都重情義，搵佢幫手永無甩拖，莊務繁忙都好似識分身咁。

唯一缺點（？）就係極咸濕，鐘意食女既程度比我更甚。



最近食女既名單仲開始重疊，即係佢食過既Hailey同埋我食過既Maisy即將交換。。

我同Parsons開始發展奇怪既襟兄弟關係，大概因爲食既女都唔係認真既對象，所以做襟兄弟都無損我地既友誼，我唔識點去形容。大家Share食評，關係可能仲親密啲添。

「叫雞唔好咩，起碼我唔係呃佢食霸王餐。」Parsons話。

如果呢件事流出Secret，某學生會會長會去叫雞，真係人生污點。。

「先至聲明我無呃佢食霸王餐，係佢覺得我Funny想同我One night stand。」



「你諗多咗，你估世上真係有咁多免費餐？人地R客咋。」

「你講下你叫過幾次雞？」我問。

「一次都無。我真心覺得Maisy正先去試。」

「有無咁正呀佢。」我就話真係食過先覺得佢正，Parsons睇相已經咁進取，好痴線。

「你叫完寫食評俾我。」好啦，兄弟叫到，無理由唔俾電話Parsons既。



「Thanks bro.」