一個書生既Player故事: 二四五

完事後我同Michelle又再沖過涼，著住羽絨去藍湖浸溫泉。
 
每個客人都會有一條電子手帶，Bag keep、買野俾錢都係用佢，非常方便。
 
我將羽絨掛入去電子櫃入面，換咗件浴袍就出去藍湖。
 
「嘩屌好凍。」我忍唔住講。
 
由出門口到掛浴袍到落水果十幾秒，凍到起晒雞皮。
 


直至落水，我既靈魂終於都返黎。
 
阿，成身都暖暖的，真係好舒服。
 
我全身都浸透喺溫泉水入面，一路Relax一路欣賞藍湖既風景。
 
環抱藍湖既係山景，有少許雪白既積雪喺啲岩石度。溫泉水係好Milky既天藍色，加埋天空既反射會變成唔同既顏色，畫面好治癒。
 
Blue Lagoon既Cocktail原來就係出自冰島既藍湖。
 


Michelle都出咗黎，著住套白色Bikini，對波Dun下dun下咁跑落水。
 
佢心情都超好，笑禧禧咁拎住部電話自拍（仲有埋百鳩幾蚊果啲硬膠防水殼），擺落佢既Story度。
 
「你睇下～～呢度幾靚～～人生一定要黎一次藍湖～～」
 
「書生你快啲黎Say個Hi～～」
 
我應酬下佢都同鏡頭Say個Hi。
 


我地去拎啲免費既矽泥Mask，（即係藍湖底，我地踩緊既地下），互相幫大家搽到滿面白色，感覺都幾Sweet。
 
可以喺冰島浸溫泉，又有美女相伴，人生都算無憾了。
 
仲去水吧點咗啤酒。
 
喺咁凍既天氣下浸熱咗個人又要飲最冰凍既啤酒。
 
一凸一凹既反差，可能係最好既配搭。

「啱啱我睇介紹，原來藍湖係一個人造景點。」我話。

「係阿，藍湖係一座死火山上面既人工湖。冰島人喺度起咗間地熱發電廠，發電既過程中為海水加入咗Silicon、Silicon dioxide、Sulphur等等既元素，再排出人工湖，形成自體循環。湖水因為其極高既矽含量而變藍。」Michelle由港女變返我啱啱認識既博學女士。

「所以我地浸既溫泉係發電廠既By-product。。So9sad。。」我話。



「又唔好咁講，浸完皮膚好就得啦！你睇下我塊臉係咪滑咗？」Michelle問。

我伸手摸下Michelle塊臉：「滑死了。」

隻手扮滑到落佢個胸度：「你睇下滑到。。」
 ​
「咸濕。」Michelle好誘人咁笑一笑，再推開我隻手。

一對長得漂亮的眼睛好像會說話一樣，對著你說「喜歡我吧、喜歡我吧。」

呢個女仔知道點樣勾引男仔。

我瞇起眼睛，望住Michelle淘氣又陽光咁笑咗一下。



Michelle唔發脾氣果陣都幾好。

我真係好討厭佢果種港女性格，矛盾既係，見到佢咁鬼火咁靚，望住我笑，細佬既心就好似俾佢融咗。

我突然明白自己點解會衝口而出叫佢做女朋友。

我係屈服於靚女淫威之下既炮兵林書生。