一個書生既Player故事: 二三八

放學，我去咗一間賣紀念品既舖頭，買咗件Harry Potter既袍，Hea hea地買件衫交下差。

訓教休息到夜晚，我先至醒咗落去Common Room。

我笠住件Taobao Feel既Harry Potter袍，再加支去去武器走既魔杖，顯得格外頹廢。

外國人多既地方係癲D，見到香蕉型搞Gag打扮，甚至Full set油晒面、化特技妝束扮喪屍添。

「Hi書生，我諗你都唔係太認識宿舍既人啦，等我介紹下。」Reception姐姐Maud即場幫我沖杯Gin Tonic，就續個同學向我介紹。



「呢個係Ammella、Daphne、Heino、Lucas、Erik、Misha。。」

「Hi.你地係邊度黎嫁？」好啦，其實我一個都唔認得，極期量只可以依照佢地既打扮黎分類。

Ammella膚色好白，一頭金髮，身形偏向肥料，佢自介話係俄羅斯黎既。

我起哄話：「Wow～戰鬥民族。」我望住佢斟Vodka斟到好似我喺香港飲啤酒既份量，不禁對戰鬥民族萌生敬意。

「我最怕就係戰鬥民族。由其是坐長途巴士見到士兵，你知士兵無女人，個個渴女如水。D老屎忽會好咸濕咁望住你，仲會問：Hey，Shall we have some fun tonight？」



我問佢當時有咩反應。「Um...No。。唔好啦。跟住就走咗。我最討厭就係奇怪既叔叔。」

「Hahahahaha。」整班人聽完不禁大笑。

「咁你呢？」我問皮膚唔白既男仔Lucas。

「我係Lucas。我係美國一個小島上面既原居民，想去見識下呢個世界係點，所以就申請咗過黎Amsterdam。」

「美國小島都係Under美國既監管，不過小島入面係一個設備齊存既社區嗎？」我問。



「小島已經係一個迷你社區，有學校、有貿易公司、有做便利店既，雖然佢真係一個島，但唔係你地想像中咁落後，只係同外界比較少聯系而已。」

「係小島上面，你地平時有咩做嫁？」

「小島近海，可以捉海鮮食；或者上山打獵；無野做又會同朋友喺屋企抹砌下手槍，生活都唔錯。我以為全世界都係過海上面既生活，但黎到Exchange先知，我呢種生活係幾咁獨特，或許我會更加懂得珍惜自己有既野。」

「有趣有趣。」

「咁Erik你呢？」

「我係德國讀航空。」Erik係一個皮膚白，大大份既男仔。

「Wow，咁你咪識整飛機。」

「唔識嫁。」Erik話：「其實之前仲讀過獸醫同營養，但發現唔適合自己讀。」



「咁你畢業出黎想做航空公司？」我問。

Eric話：「我無諗咁遠，可能又唔啱再去讀其他科，哈哈。」