一個書生既Player故事: 二三六

未等到鬧鐘響起，我就已經起咗身，望住窗外既陽光普照住草綠色既內花園，今日又係一個悠閒既上堂日子。

我落到樓下琴日泊單車既位置，諗住搵我果部單車既時候，搵勻晒都搵唔到佢！

頂！原來真係會唔見單車！

Reception姐姐走埋黎：「Hey Scholar, what are you doing?」

呢位荷蘭人Reception姐姐係一個金髮輪廓分明既靚女。



其實喺荷蘭周街都係又高又靚既女仔。

「Hi lady，我諗我唔見咗部單車。你有無見過我部單車？」

「你部單車咩樣嫁？」

「黑色，皮Pad，單車車身上面用金色顏料寫咗Scholar。」

「Oh No。。我無見過。」Reception姐姐搖頭。



「原來真係會俾人偷單車。。。我好傷心。。。」我同Reception姐姐呻。

「你用咗幾多個鎖？」

「一個。」見踩咗就黎兩個月都無事，就鬆懈咗，就咁用佢單車原裝個鎖放喺門口。

「Oh poor，咁一定俾人偷咗，最少要三個鎖先得！」

「靚女我就黎遲到，你可唔可以借部單車俾我返學？」



「Haha，出面揸架咪得，唔洗借我果架。」

「宿舍幾時有共享單車嫁？我唔知既？」

「Oh No..你無聽過黎荷蘭讀書，如果無學識偷單車，就唔可以話自己大學畢業咩？」

「第一次聽。」

「出面就係你既車庫，隨便揀一架啦。」Reception姐姐笑笑口遞咗個剪鎖器俾我：「唔好同經理講，佢會嬲死我。」

我心諗，咁都得？

「OK. Thanks～」頂，我大概估到我部單車係點樣唔見。

講完我喺出面揀咗一部新淨得黎款式比較常見唔起眼既單車，Reception姐姐仲幫我剪埋個鎖仔，由搵車到揀車剪鎖走埋都唔洗十分鐘，成件事我諗到極度新奇。



唔怪得喺荷蘭單車失竊率咁高，因為當你唔見咗自己部單車，又有復仇加唔上再俾錢買過部既心態，好順手就拎咗人部單車，心安理得到好似去M記攞杯水咁。

 「黎荷蘭留學必須知道的事：
一、Coffee shop既位置；
二、著有帽既衫防風擋雨；
三、飲完酒唔準踩單車；
四、偷人地部單車。」Reception姐姐話。

「飲完酒唔準踩單車？」我心諗。

「係呀，Strictly forbidden，單車都要遵守交通法例，可以檢控你嫁！」

「你唔係荷蘭人咩？」我問。



「我係呀。」

「荷蘭留學須知，講到你好似黎Exchange既學生咁。」

「咪又係你地D同學仔教壞我，哈哈，而家D大學生真係曳。」

我望一望佢心口個名牌，寫住「Maud Kxxxx」，同佢講：「我夠鐘上堂啦，走先啦，唔該晒你。」

「傻啦小意思。今晚要黎Join Common搞既Halloween Party嗎？」

「幾點？」

「夜晚八點開始，Til the end of the world.有免費既野食同飲品～可以輕輕咁打扮下先出席～」

「OK. See you tonight.」講完我就踩單車返學。