一個書生既Player故事: 二三四

踩Pedal brake果種感覺好令人不安。

明知道正常人安全地踩單車，出事既機會率微乎其微。

但對於唔熟悉，無辦法控制既野我會好懷疑，懷疑到一個地步係會有踩空發生意外既錯覺。

我一個不留神，被衝出黎既地鐵嚇親。

下意識地先用手拉一個不存在既Brake，先至識得用腳向後踩剎車。



心臟頓時麻疹咗一秒。

後面既單車都被我嚇親，紛紛急停。

「妖，林書生你以為你自己係藤原拓海？」俾Wade開聲屌。

「Sor，俾架單車嚇親。」

突然間，我喺度諗，點解我要出生喺依個世界上面。



無得揀出唔出生，我已經以林書生呢個身份誕生係世上。

個天係咪有使命想我去完成？

如果呢一刻我因為單車而有咗意外，一切歸零什麼也不是。

假設到最後飲孟婆湯都會忘記一切，點解仲要經歷咁多野？

或者個天鐘意玩模擬市民，而我就係果個被控制擺弄都懵然不知，自以為可以控制命運既低能仔。



總之，我唔想死住，我仲有好多野想去完成。

駕駛單車都要好專心。
 
我預見到單車會喺我既荷蘭Trip入面有好緊密既關係。
 
估唔到考咗車牌最後都無用（我都未夠期攞國際牌。。），反而「揸」得最多既係單車。