一個書生既Player故事: 二一七

訓醒九點半，我去咗Eve宿舍幫佢手執野Pack箱，又做苦力抬紙箱出貨車，仲抹塵掃地，連自己個宿舍都係就咁放底行李未執野，我呢個義工都算唔話得。

Eve同宿舍職員交底鎖匙，我地就Say Good bye。

佢話要早少少去機場，費時有咩意外遲到Miss咗班機就好煩，仲陰陰咀笑叫我地玩得開心D，睇黎佢都Feel到我對Michelle係有興趣。

唔係淨係我既，我諗好多男仔都會對Michelle呢種IG女神樣既女仔吸引。

人總係喜歡美麗外表既東西，不是嗎？




「呼。咁我地而家出發啦喎！」執完野，再食完Lunch已經兩點。

「嗯。」

我同Michelle出市中心車站等巴士去Volendam。

兩個人旅行唔係容易既事，仲要唔係同朋友或者女朋友。

旅行有太多Gap time，食飯、等車、排隊，唔啱Channel瘋狂Dead air仲要無第三個人幫手講下野既話，時間唔容易過。



多廢話口才好既人，係咪唔會有咁既問題呢？去到邊都可以好快同人熟絡起來，帶動氣氛。

啱啱走咗架巴士，頂下一班車要等成半個鐘先一班！

兩條友戇居居你眼望我眼。

其實我都會尷尬，唔知講咩好。

平時係酒吧見D客人都係寒暄幾句就走，就算同江柏琪一齊住，都仲會返學做下其他野到夜晚先會見面，我好少機會同一個女仔朝晚見面，相處咁耐。





Michelle拎住部電話係個月台影風景。

佢遞部電話俾我，我都自動自覺咁幫佢影女神照。

Michelle就咁坐係度托頭影側面，已經散發出佢果種知性美既氣質。

看得入迷。

佢係繼丁丁之後，我集郵鏡頭中最靚既Model了。

斯文面孔既背後，Michelle係咪咁表裡一致既人呢？



我呆逛望住Michelle諗埋D奇怪野，有點抱歉。