一個書生既Player故事: 二一一

或許Eve已經帶過好多朋友黎隊草，佢好熟練咁帶我地穿梭於市中心既小巷，去到某條街，入面全部都係酒吧同埋Coffee shop。

裝修同普通既酒吧分別不大，係多咗一重大麻苦澀味既煙霧彌漫。

「如果想飲咖啡，請去寫住Cafe既地方。喺荷蘭，Coffee shop唔係賣咖啡，而係合法賣大麻既地方。」

「呢度離我間宿舍只有一條街既距離，你地可以放心Stone，我會睇實你地嫁啦。」

Eve問我平時食唔食煙，我答佢會食Social煙，而Michelle係唔識食煙的。



我地去咗間頗暗既Coffee shop搵張梳化床坐底咗，Eve買咗一捲Pre-rolled joints，即係混合咗其他煙草，預先捲好既大麻煙，劑量較純大麻既低，適合我地第一次食既新手。

佢燃點大麻煙，呼一口氣，確認無問題就遞咗支煙俾我。

我輕輕一吸，一陣大麻既苦味狠狠咁衝入喉嚨，我忍著想咳既衝動吸晒入去，聞落刺鼻難聞，到真係吸卻有種中毒性，竟然覺得幾好聞。

每吸一下，全身都好似放鬆咗一下咁，但並不是即時上腦有好大既感覺。

我將大麻煙傳俾Michelle，佢用力一吸，即刻咳到停唔到。



 「你唔識食，第一次細啖D嘛。」我話。

Michelle話：「一係買個Space cake食？」即係大麻蛋糕。大麻係荷蘭就係手信，有茶包、Brownie、朱古力Muffin、餅乾、糖。。。

「唔好啦，吸收得好勁嫁，驚你頂唔住。你識吸，草都夠勁嫁啦。」Eve拒絕咗。



吸多幾下，唔夠十分鐘，我成身都愈來愈放鬆，感覺好似輕飄飄升上太空咁，但我理智卻知道自己成個人沉甸甸咁訓係梳化。



黎料啦。

「書生咁快就Stone咗！Michelle你要加油呀！！！！哈哈！！哈哈！！哈哈。。哈哈。。」好暈，一下子好似到達咗飲醉酒既頂點感覺，耳朵卻好清楚咁聽到Eve把聲。

「哈哈！！哈哈！！」我聽到Eve既笑聲，我都跟住佢瘋狂傻笑停唔到，唔知點解，我覺得佢講既哈哈真係超級好笑！！好笑到喊！！好好笑！！！勁好笑！！唔知點解！！！

我個心不停狂跳，耳仔發熱，全身放鬆。

Coffee shop播緊Tove Lo - Habits (Stay High) Hippie Sabotage Remix版。

曾經我都好似歌詞入面個女仔咁，因為失戀而自甘墮落。。

而家既我仲係咪咁呢？

明明首歌好快，點解聽落會好似俾人放慢咗咁？



4分鐘既歌，佢好似重覆播咗足足半個鐘咁。

有一刻，個心跳到我有D辛苦，我以為自己就黎會死。

原來隊草係咁既感覺？定係佢落既份量已經超咗額先會咁呢？

理智上我知道兩三個鐘就無事，但我都好驚。

真係好驚。

離死亡係咁近。

我以後都唔會再隊草啦。