一個書生既Player故事: 一八一

江柏琪留底咗係我屋企過夜，我地依然係分房訓。
 
就好似之前同居果陣一樣。
 
感覺既熟悉又陌生。
 
江柏琪想講野，我就聽佢講野9up。佢一時話要搵返組爸阿Tim問清楚，一時又話自己係垃圾，人地唔要佢係應該。唉，愛你的人唔會令到你咁傷心，愛情無得勉強，你又何必咁自責。
 
江柏琪想靜下休息，我就做自己野唔打擾佢。
 


佢肚餓唔想落街食野，我落樓下買佢鐘意既糖水俾佢食。
 
江柏琪性情古怪，你唔知佢幾時心情好，唔知佢幾時心情差，睇餸食飯，要照顧佢唔容易嫁，少啲耐性同細心都唔得。
 
偏偏我又好享受同呢個麻煩人一齊，愛情就係咁奇怪。
 
江柏琪係我屋企借宿一宵，第二日我就送佢返屋企，佢話係Hall費時撞到阿Tim自己難睇。
 
我望住江柏琪既背影。
 


總有一日，會由我正正式式去寵愛你。