一個書生既Player故事: 一七九

但有更加多既野，我無講到出口。

點解我會知佢係仆街？因為我自己都係一個仆街。
就好似會搵SP既人、同唔會搵SP既人；會吸毒既人、同唔會吸毒既人咁，佢地都有兩種雷達。

即使佢地生處於同一個時空，接收既訊息卻是南轅北轍，諗既野根本就唔同。

單純既人係唔會夠老手黎。

俾人呃既你又唔好嬲！



呢D經驗係累積返來，好公平既。俾人Hurt多D，經驗又會多D。

你眼前呢個仆街，即係我林書生，都俾人Hurt過好多獲，心死過無數次先會練成今日既我。

唉江柏琪你都令到我好心痛阿。



不過，信佢啦，如果一個男人同你講佢係一個仆街，佢真係一個仆街。



唔好抱有「佢對我打開心房」、「佢想對我坦白過去」呢D不切實際既幻想。

如果一個男人真係愛你，絕對唔會話自己係仆街、襯唔起你呢D咁低下既說話。

佢會想係你面前保留最美好既形象，佢會用盡力氣做好自己，俾最好既野你，你個心感受到佢對你既愛有幾肯定。

有事果陣，佢會尊重你、陪伴你、唔會怪責你、願意付出自己既野黎俾更好既一切你。

係，我係講緊自己。



你Feel到佢有幾愛你，你唔會問「佢到底愛唔愛我」呢D愚蠢既問題。



形形式式既媾女野可以做好多。

包接送、請你食飯、每日定時定侯寒喧問暖、Non-stop flirty texting、隨傳隨到、主動幫你解決生活大小事、做好多「無聊野」哄你開心、扮管你。。。。

好殘酷咁同你講，做齊以上既野都可以係假。

只要佢對你有好感，呢D野只係基本。

用把口同錢媾女係最無付出、最無意義既行動，但偏偏好多女仔都會受呢一套。



係最危急，你最需要佢既時候，佢去咗邊度呢？

你有事果陣，佢會用把口話黎搵你阿，定真係出現係你面前呢？

果陣Zoe係M記帶住成班人搵你麻煩，我肯定呢個Tim唔會唔會出現幫你。

因為男人都係用下半身思考既動物。

佢只係想扑你，唔係想幫你。