一個書生既Player故事: 一七三

我坐到悶悶地，就出去舞池Un下睇下有無靚女。

「Party rock is in the house tonight
Everybody just have a good time
And we gon' make you lose your mind
We just wanna see ya, shake that」

凌晨大約一點幾，大家開始微有酒意，聞歌起舞，Club內氣氛不錯。

突然間，我看見迎面而來有個幾靚既女仔，高高地，著住Deep V黑色裙。



望真D，點解個樣咁熟口面既？

頂！原來係丁丁黎！

丁丁似乎係混亂既環境底下見我唔到。

終於佢經過我既時候，我伸手拉住佢。

丁丁呀大個口，有點嚇親，轉頭見到係我，先放心。



我拉住佢去Bar枱附近較少人既位置，問佢：「你同邊個一齊黎？」

「我同阿婷黎嫁，佢同個男仔打完招呼就唔見咗。」

 「哈哈，咁你今晚應該要自己走啦！」

「咁無義氣嫁咩！」

「阻人扑野俾人燒春袋呀！」



婷：【你今晚唔好等啦！自己走先啦！返到去Whatsapp我阿】

講完丁丁就收到阿婷呢個Msg。

「都話嫁啦！黎到緊係各自搵食！」講到我好似成日黎好熟行情咁。其實唔係囉。

「睇你都係無枱嫁啦！過黎請你飲野！」

「好呀。」

接著我就攬住丁丁，Un下Un下咁返去。

丁丁算係全場最Fit既女仔黎嫁啦。



講真，以佢咁既裝扮，如果唔係由細識到大，一定會覺得佢係日日落去蒲既MK妹，點會諗到丁丁咁乖，仲要成績咁以好入CU。

拉到丁丁返去，剛剛既人都走咗一大半，出咗去跳舞。

得返Eric同返阿Yan係度吹水。

佢瞧一瞧丁丁，又對住我奸笑，我當佢係讚賞我帶咗個靚女返來。

丁丁成個人挨埋黎，捉住我對手玩電話，又係度自拍Send俾阿婷（咁黑影條春咩？）。

Eric一臉葡萄既樣子。

我邊似得你咁有落Club天份，呢個丁丁本身係我SP先係咁咋嘛。

坐到咁上下悶悶地，我同Eric講聲就帶埋丁丁離開Levels下場。