一個書生既Player故事: 一六四

我同Candice完事之後，就係房睇 500 Days of Summer。
 
這真是一部好電影，講到男女主角既愛情觀點，大家都改變咗。
 
由相信命中注定，變成相信愛情是掌握喺手中。
 
由相信愛情係選擇，變成相信愛情係命中注定。
 
我用會"I met my soulmate. But She didn’t."去形容呢套電影。
 


就好似我同江柏琪咁，我一見到江柏琪就有「叮」一聲既感覺，覺得就係佢啦！
 
但江柏琪明明鐘意我（？），都要用理智去選擇，覺得我唔係一個好既發展對象（？）所以一直唔接受我（？）

好啦，呢句說話有咁多質疑自己既位置，就承認你無自信吧。
 
可能人地無鐘意過你，只係想搵地方住你先有錯覺姐。
 
我睇成套戲都極專心，粒聲唔出，電影既情節深深咁陷入我心霏，好似一把利刀插落我個心度咁，即使「休養」過後看似無事，但有苦自己知，心裡依然隱隱作痛。
 


閉起雙眼你最掛念誰，眼睛張開身邊竟是誰。
 
今日係我格離係我連佢電話號碼都無既Candice。
 
我做既野，同我諗既野都唔Match，好諷刺。
 
「做咩睇到入晒神？有心事？」Candice問我。
 
 「無呀。覺得套戲拍得幾好。」
 


「你信命中注定，定係命運掌握係自己手？」
 
「我相信命中注定。」 我答Candice：「真係有緣既話，無論係點，個天都會拉返你地埋一齊。」
 
「係就好啦。哈哈。」


琪：【書生，出唔出黎食宵夜？】
我：【呢個時候搵我咁好呀，唔搵你D Hallmate？】我一望，成一點啦喎。
琪：【想見下你。。唔得閒算啦。。我隨口問下咋】
我：【我係Hall，而家搭的士過黎】

「Candice，我有Frd搵我食宵夜。我走先啦。」我話。

「喂。」Candice遞咗部電話俾我：「留個電話俾我啦。」



我望一望佢，輸入咗我個電話號碼俾佢。

「拜拜。」頭也不回就走咗。