一個書生既Player故事: 一五五

抖咗一個星期，話咁就快到大學開學。

我約咗Parsons同靜宜提早半個鐘返學校食早餐，組爸媽知道咗都話要一齊食。

好即慶既迷你Re-U。

「仲有五分鐘就夠鐘啦！我地快D執野去上堂啦！」靜宜望完錶，係咁趕我地。

「呢度行去Lecture房，兩分鐘都到啦。」Eric話。
 


「唔洗咁趕啦。依度唔係中學，你遲到唔會俾人罰，鐘意既可以走堂唔上添。」Cammi慢條斯理咁同靜宜講。

「問題係，無事無幹做咩要走堂？」我問。

「遲D會忙，唔想上堂都可以係理由。大學既生活係好自由， 好容易會迷失係呢個花花世界。你想做咩都可以，最緊要對自己做既野負責任。」阿東話。


一入到大Lecture房，百幾個Fm已經到齊晒，坐滿整個Lecture房。

我地遲到咗五分鐘，得返最後幾行既位置坐，Lecturer都未開始講野。



大家既打扮都幾試正，唔會覺得佢地太毒，睇黎我都要買多D新衫返學。

有D人主動向前後左右既人打招呼，有D人則靜靜坐係一角唔出聲。


「大家好，以後每個星期一既九點都會見到我啦。我係你地Course EF1011既Professor Mr. Chan，Office係P67XX。。。」

Lecture主要介紹未來一個Sem每個星期會教既野，幾時Mid Term，幾時Final，評分準則等等。。



「下星期上堂前，你地分好六人一組，再E-mail個組員List俾我。」

兩個鐘既Lecture，講唔夠一個鐘已經落堂放人。

我、Parsons、靜宜隨便搵咗附近既同學組Group。

我肯定坐第一行既人一定係學霸！不過已經太遲了！

為咗Project可以靚Grade少少，我決定之後幾堂都早十五分鐘黎坐頭排霸位，要搵學霸一組。



朝早十點鐘，望住個Time table，有三個鐘天地堂先上下一堂，咁而家做咩好呢？

企係大學既道路上，人來人往令我感到迷失。



無人認識我，做咩都無人理，除咗冷冰冰既Time table同一本所謂既入學手冊，無人會話俾你知你要做咩，點樣做。

自己住雖然早已無屋企人管教都算自由，但仍然無法逃避於學業同中學既壓力。

到你真正享有自由，上咗岸連學業都唔洗點顧既時候，反而會好茫然若失。

讀大學既意義到底係乜？就真係為咗張沙張，為咗玩一個O Camp？

抄牌，開Group，短短入大學既時間，我既Contact list人數直線上升。
 
來也匆匆，去也匆匆，唔知到我畢業既時候，有咩人可以帶走？
 
今日認識到既人，幾年後我地仲會係Keep到既朋友嗎？
 



《奶黃包包包包包包好開心之開Sem飯》

我：【天地堂做乜好？】
Cammi：【我今日無堂啦。你地上黎我Hall坐下】
我：【好呀，我同靜宜Parsons上黎】
Nancy：【我又上黎】
Eric：【Good. I come too】
東：【Me2】