一個書生既Player故事: 一四四

夜晚十二點，我收到個電話，一把女聲係耳邊響起：「Hello書生。。記唔記得我呀？」
 
「。。。唔記得。。你係？」咁夜打黎。
 
「我係水會組媽Cammi呀！通知你個禮拜一就係我地Yellow House第一次Gathering既大日子，十二點係拉巴門口等，記住要準時出席呀<3 Muah!」 Muah Muah Muah你個死人頭。。。雖然你個樣唔差但咁講好噁心阿。。。
 
 
「仲有仲有，記得著黃色衫呀，Muah！」黃色衫咁柒！
 
「OMG 我屋企一件黃色衫都無！Muah！」點解D對話好似愈來愈On9？


 
「洗唔洗媽媽早D陪你去買？Muah！」
 
「唔洗麻煩你啦，我自己早少少去又一城買啦！Muah！」
 
「唔麻煩，我驚你唔熟路有排搵。你幾點到呀？約你11點3好不？Muah！」
 
「既然你都咁邀請我，我就無謂拒絕啦。OK！Muah！」
 
「哎唷講到咁委屈你喔，組媽好傷心喔。Muah！」


 
「好啦咁到時見啦Cammi組媽。Muah！」
 
「拜拜啦！Muah！」
 
咩料，呢個組媽好撚On9阿屌。
 
Reg咗兩日就話要Gathering咁Chur既。。
 
 


 
「乜你同你組媽咁Frd既！Muah！」江柏琪係廳聽到係房既我講電話，走入黎我間房門口學我講。我唔知佢呢個係呷醋定忍住恥笑我既表情。
 
「你隻順風耳吖，咁都聽到係我組媽！報名果陣先傾咗幾句，一D都唔熟！Muah！」
 
我伸出手指，示意叫佢過黎：「過黎過黎。」
 
「做乜？」江柏琪好聽話咁走埋黎。
 
我輕輕撫摸佢個頭，就好似摸緊隻狗仔咁：「乖，俾哥哥撚下你呀。Muah！」
 
「妖！走啦你！唔呀！」佢俾我激到即刻推開我走咗。
 
「哈哈哈哈，低B仔。」
 


 
 
詩：【你地幾時入Camp呀？不如入Camp前出黎見多次啦！】
 
陳詩詩係個Group度問我地。
 
係喎，都未交代返大家去咗邊度讀書。
 
羅嘉樂入咗HKU既Civil，陳詩詩就同我一樣入City，不過佢讀Translate，肥傑就係BU Social Work，丁丁就入CU傳理，阿婷其實已經係就黎畢業既HKU QFin叻女。王家欣溫梓柔無寫上Facebook我又無特登去問，所以已經唔知佢地去咗邊。林敏兒連佢Facebook都無，我更加唔知。。
 
大家齊齊有U讀，不過已經各散東西啦，到時應該好忙好難先約得到大家出黎。
 
我：【你問得真係合時啦，岩岩組媽打俾我叫我Gathering。好似話要留晒成個禮拜俾佢地。】
樂：【我都唔得，聽日就入Camp】
傑：【唔齊人咁等開學再約啦】


琪：【me2...再約啦】