一個書生既Player故事: 一二五

呢幾日放學佢都會拎少少野俾我寄存係我屋企。
 
我房間多咗江柏琪既雜物，例如公仔呀、衫褲、護膚品、文具。。。都愈來愈凌亂。
 
呢個計劃大約過咗一個月，重要既日子終於等到啦。
 
琪：【Plan A行動日子！！老豆講野好大聲好煩，我用粗口狂鬧佢，激到老豆推咗我一下，仲指住我黎鬧。我好霸氣咁講：呢個咁既屋企，我唔撚會再返黎呀，屌你老母！！雖然撞到枱角痛撚到仆街，但我覺得一切都值得嫁！！因為我終於可以搬走，我而家好興奮呀！】
 
「叮噹。」說時遲，那時快，轉眼間，江柏琪轉眼間就出現係我屋企。
 


我即將要同江柏琪同居！好難以致信！
 
我不禁係度諗，上網見到有D未夠18歲就同居既MK仔女，係咪都係用咁既方式強行離家出走嫁呢？
 
我自己覺得私藏囡囡同居呢件事都幾瘋狂。
 
希望屋企人唔會發現，哈哈。
 
呢一晚我地就係度執屋，將我房既野搬去父母房，工程浩大，總算完成。
 


「早抖啦，聽朝仲要返學。」凌晨兩點，我係廳同江柏琪講，就入父母房訓。
 
「好眼訓呀！早抖～」
 
我攤係床度訓唔著。
 
咁大個江柏琪係我一牆之隔既距離，叫我點樣訓得著？