一個書生既Player故事: 九十九

肥傑同果個Vera出左幾次街。
 
有次係肥傑不在場既情況下，羅嘉樂問我搞咩搞到臭咗朵，啲人講既係咪真，巴打你講我就信你。
 
咁我就同羅嘉樂講起Vera單獨約我同肥傑既事。
 
最Surprise我既係，原來依個Vera連羅嘉樂都有約佢出去溫書。有女既羅嘉樂話佢已經有女朋友，一口拒絕。Vera仲話無所謂，係咁Chur羅嘉樂要佢覆Msg同佢去街。
 
怕俾陳詩詩誤會，羅嘉樂乾脆Block埋佢乾手淨腳唔洗煩，好一個有責任感既男友！我係仔，都想同羅嘉樂拍拖。
 


我同羅嘉樂都有共識要同肥傑講Vera啲八婆行為。
 
可惜已經太遲。
 
正當我地以為肥傑返來課室如常一齊放學既時候，佢一入課室就笑到買萬咁口，話：「巴打，講件開心事你知！」
 
然後佢大叫：「我！終！於！都！拍！拖！啦！屌！」
 
我同羅嘉樂望咗對方一眼，即刻口都疾埋，將在口邊既說話硬生生吞返落肚。
 


唉，rip啦肥傑。
 
我地已經預見到分手後肥傑Hurt爆痛哭既樣子，要準備定幾盒紙巾。
 
係我唔岩，應該早啲屌醒你。
 
不過拖都未拍過既肥傑真係會聽我地講咩？
 
「有些事情就不要拆穿」
 


都係搵下丁丁玩算吧，別人的人生又何時輪到我加把口呢？