一個書生既Player故事: 八十七

我同丁丁既關係因為性而變得更復雜了。
 
始終我同佢都做咗幾年好朋友，平時算少Flirt講咸濕野，一黎就俾我呢隻大淫蟲上身食咗。。

我又大男人上身迫人就犯，嚴格黎講，佢可以告我強姦，只係最估唔到著衫咁性感又多仔埋身既佢會係一個處女。。
 
講起處女，其實我怕咗食處女，一黎責任好大；二黎多數女仔對於破佢處果個男仔都會沉船。通常同處女搞完，關係會即時變得尷尬，但好快佢就會變到好痴身，係林書生既Data base入面，溫梓柔就係一個好例子。（中三既林書生Logic：溫梓柔＝世上所有處女）
 
你睇下阿婷同Aka，非處，扑完都可以無野既。而我只想扑完野拍拍屁股就走人，不帶走一片雲彩，唔負任何一點責任。要我做一個男朋友既野日日報到接送哄人開心好煩嫁，重點係我個心都唔當佢係女朋友。處女？仲要技術唔好，死魚咁，不了。
 


現在我同丁丁正係一個不聯絡既尷尬期，萬幸既係，佢無問我：咁即係咩關係？很好！即係唔洗煩。距離上次搞野已經成個月，應該安全了！
 
啲女仔成日話「唔知點解」俾人中出即飛。

「唔係嫁，佢好鐘意我，對我好好！唔覆佢Msg一陣就會話掛住我，問我去左邊；得閒又會送禮物俾我。佢話佢呢世人，淨係鐘意我一個。。」

我想同呢D女仔講，唔該你地認清楚現實啦，事實係人地中出完即飛，事實係人地打從一開始對你好、媾你都係有目的嫁！除非你係阿婷咁既大淫娃級數，否則一般黎講，集完郵唔特別想Keep，咁咪飛囉！中出即飛既心態，就係驚你沉船唔想拿屎上身。明知係咁，都仲咁容易俾人得到佢想要既野，唔該唔好喊晒口扮受害者，你絕對有權拒絕俾人傷害！
 
Player就好似一種喪屍病毒，又或者層壓式銷售，其共同之處就係自己中咗伏，就會Spread開去迫其他人一齊中伏。
 


要解決黎講，前者要你死咗，後者則要好強既決心，良心發現先停到呢個Loop，談何容易。咸濕既我都控制唔到自己，自身難保，只好做一隻喪屍。