一個書生既Player故事: 七十六

【第N次家族聚會~~YO好興奮呀，快D報名啦!】我加入既團又搞網聚啦。
 
一眾網友都成日見，但我同嘉樂肥傑呢D毒撚一向對識人既社交活動無乜興趣。
 
Aka：【老公，你陪我去啊....我想去但又咩人都唔識....Aka好慘慘豬阿】
我：【我不嬲都唔去既=.=】
Aka：【你唔係由得你老婆一個人阿嘛T^T】叫聲老公就真係以為我係老公問號？....
 
女人真係得寸盡尺。。。
 


就係咁俾佢迫左去第一次網聚，係去左間餐廳食韓燒傾計。
 
 
 
「拖住手入去啦。」我以老公老婆為名拖住Aka出現。
 
Aka隻手細細隻有啲肉地，個手感幾得意。
 
我補多句：「唔係老公老婆唔拖住手去呀嘛？」
 


Aka完全無反抗既意思。
 
唉，我係度做緊乜野？
 
而家香港既女仔做乜野？點解個個都咁Easy。。
 
好無難度。。
 
林書生媾女既歷史好似一條大直路咁容易。
 


 
 
 
我地一行八個人，出乎意料既係，佢地年紀大我好多！
 
佢地最細都已經中六，年齡層18至26歲都有，龍蛇混雜成個古惑仔聚會咁，我學校D乖乖mk妹都差幾皮。因為佢地都唔讀書，係真。飛仔飛女，中三就無讀書果種。
 
我同Aka同年，中二尾，14歲係最細個。
 
「我間屋又多個人黎住。」呢個白白淨淨好瘦底既網友小野話。
 
「咩屋呀？大學宿舍？」Aka問。無黎聚會跟唔到機添。
 
「大乜鬼學丫，我中三就無讀書lu。老豆爛賭差落一身債，返黎就攤大手板問老母攞錢，如果老母唔俾就打鳩佢。老母為左我先吞聲忍氣左咁耐，所以我好早就離家出走去打工。」
 


「咁你住邊架？」
 
「我同幾個朋友夾錢住一間屋，個感覺好似似宿舍咁。」
 
「你返緊咩工呀？夠錢洗咩？」Barbie問。
 
「我返過Hvm啦、茶記、賣衫Sales仔。。而家準備轉間保險公司，可能去考個保險牌掛。」小野話。
 
「唔同囡囡一齊住？」貓貓問。
 
「咪搞我啦，同條女一齊住好煩嫁嘛，俾人管住晒又咩空間都無。」小野話。
 
「無地方做愛做的事喎。。」
 
「趕班frd走咪得囉！識做嫁啦！」


 
「話時話，阿風今日做咩唔黎既？」
 
「肯定廢時見到個ex同新歡係度眼冤啦。你兩個囉，趕走人。」小野望住鬼王講。
 
「關我地鬼事咩。」貓貓話。
 
跟唔到機，睇黎呢個團入面都有過好多淫亂既花生。
 
好短暫既閒聊，幾個鐘就過咗去。
 
「今日好開心見到你地呀，縮細咗我地平均年齡，以後都多啲黎啦！」Barbie話。
 
「好呀哈哈。」Aka話。
 


「咁我同Aka走先啦，拜拜。」
 
 
就係咁我就同Aka走咗。
 
「點呀，滿足咗你願望未呀？」我問Aka。
 
「正呀，我以後都想黎。」佢一臉滿足。
 
「點解你咁想黎網聚既？」
 
「因為學校D人好悶，想識D大哥哥大姐姐玩。」
 
係既，接觸一個同本身完全唔同既圈子，都幾新奇。
 


 
佢地過既係我不曾想像過既人生，經歷好多風風雨雨。
 
我諗我到23歲應該會同屋企人開開心心、繼續乖乖讀書、升上大學過一個好正常既人生（間中食下女）、然後畢業返份人工唔錯既工，咁就一世。。
 
或許佢地都唔想人生發生咁多事，但天意總係弄人。正如當日我期望可以同林敏兒一生一世，結果誤打誤撞又食咗溫梓柔同阿婷。人生係可以有好多意外既。
 
「今日陪左你去網聚成日，點樣報答我先？」道別前，我問Aka。
 
「唔。。」Aka沉思，諗左一諗：「咁樣啦。」
 
講完就係我塊面度錫左啖。
 
食得。
 
我攬住佢，摸一摸佢個頭：「乖。」
 
「咁我走啦。」我對住佢微笑道別：「拜拜。」
 
要食都唔急於一時啦，反正都係嚢中物，走唔甩。
 
返屋企打機先。