一個書生既Player故事: 七十四

就係咁，佢真係即刻出黎網吧見我。
 
打左唔知幾耐機之後，Aka就打俾我：「Hi，我到左啦，你幾號機呀？」
 
「38號。」
 
說圖罷我就另轉身尋找Aka既身影。
 
呢條女一定好撚虛榮，為求入團可以不擇手段，竟然會同一個傾左唔夠幾句既陌生男仔出黎見面，我係仔緊係無所謂啦，但作為一個女仔，佢真係零危機感。



 
好在呢個年代未有美圖秀秀既出現，D港女PS極都有個普。
 
Aka細細粒，約155，有肉地，都有少少包包面，笑起上黎都幾甜，傻更更咁，稱得上Kawaii既類型，同張相係Match既。
 
白色風格圖Tee襯紅色超迷你短褲，唔，果然係MK，要食應該唔難，可以一戰。
 
 
 
佢走埋黎，有點尷尬咁講：「Hi..我就係Aka啦。」


 
肥傑係格離即刻流晒口水咁既樣望住Aka，應該好葡萄我約左個靚女出黎。
 
羅嘉樂望左Aka一眼，無咩反應。
 
「坐底丫。」我特登留左我隔雜個位俾Aka。
 
「我要做咩嫁？」Aka戇框框咁問。
 
「考試呀。你同我玩一場，如果你玩五場嬴到我一場既，我就介紹你入團啦。」我話。睇佢個LV，我都幾有信心可以嬴晒佢五場，佢都唔似會開兩個ACC扮新手。


 
「好啦。」
 
好快，我同佢玩左3場改歌板既Beat up，第4場俾佢揀埋歌都係輸俾我半條街。
 
唉，見佢靚靚女女咁無理由就咁放佢走既。
 
於是到第五場既時候，我就甩拍斷晒Combo，讓左佢好多秒，咁佢先至嬴到我。
 
「YES！ 我嬴左你啦！快D介紹我入團啦。」Aka話。
 
「你今日好彩，平時我實唔會輸嫁囉，今日犯埋晒D低級錯誤。」傻B來既，唔係我讓你，你拍馬都追唔上啦。
 
「我份人最有口齒既，講得出做得到。」講完我就申請左做情侶。
 


「下？要加情侶嫁？」戇框框既Aka戇框框地問。
 
「緊係啦，你都未夠班，唔跟我做情侶，點入團呀？」
 
 「呀～又好似係喎。」Aka話。
 
「入到去，我介紹你果陣記得叫我老公呀。」我叮囑佢。
 
「知道。」
 
「預習一次先，叫聲老公丫。」
 
「老公～」Aka立刻聽聽話話叫左我做老公。 我諗，因為我外形唔太差佢先會咁順攤咁叫我。如果出黎係一個核突佬美極，都幾撚慘，好在你遇到果個係我咋。
 
「點呀老婆～」你話D招老公老婆幾撚無聊！傾唔夠幾句就可以咁樣叫！零挑戰性，拎個掛名黎晒命都無意思。。


 
［Group Chat］
我：【同大家介紹，我老婆Aka。】
Aka：【Hello你地好呀。。我K先生既老婆，Aka。。】
網友：【Hi阿嫂～當呢度自己屋企得嫁啦，我地都好Nice嫁。】
Aka：【嗯，好開心可以加入你地依個大家庭呀！】
 
羅嘉樂個衰仔睇到D對話係度忍笑。
 
「輕鬆，搞掂～你如願啦，老婆仔？」我話。
 
「嗯。」
 
「以後要出黎我地D聚會呀！」好似哄小朋友咁撚樣哄。。。
 


「知道～」
 
於是我地就一齊打機打到不知時日過了。。。
 
佢住係旺角，係一個貨真價實既mk妹，所以住得遠少少既我就唔洗送佢返屋企啦。完。