一個書生既Player故事: 三十一

第一個禮拜返學，每日既小息同埋Lunch time都有好多高年級既師兄師姐落黎昅我地。

我地就好似動物園入面D動物咁，日日要老奉俾佢地「參觀」，赤裸裸，無從逃避呀。

我知，佢地都係想驗貨睇下有咩高質素既新生去認識下姐。

想叫聲收皮啦你地好煩都唔得。

因為，D哥哥姐姐企出黎個款真係好有型。



整個人散發出一種自信、快樂既氣場。

而我只係一個普通又唔起眼既小薯。

終有一日，我會企起度做呢個好型既師兄，參觀你班動物！



我地學校中一Lunch係唔可以出去，所以我地都會留底係課室入面食。



每班都會有一個高年班既Prefect黎做飯長看住我地食飯。

1C班既飯長叫阿婷，係個好talk得玩得既女仔，讀中三，短頭髮，中等身材160高，走肥有少少胸（聽說大約B級？），個樣有D桂綸鎂Feel。



有時見飯長一個人好無聊咁，我就會主動撩佢傾計。

「飯長你今日玩左Crossword puzzle未啊？」我講緊每日送黎果份英文報紙（而我除左做功課之外基本上都唔會睇）。



「未啊。一齊玩啊。」

我烏低係張枱度同阿婷一齊做Crossword puzzle。

羅嘉樂見到又會一齊諗。

行過見到好想識果個陳詩詩，我又會叫埋佢一齊黎玩。

我地好自然咁認識左，交換埋電話同Msn，偶爾我都會R下佢地傾計，都係同學之間既普通對話。



Lunch time間唔中就會一齊做Crossword puzzle，傾下功課，吹下水。

當然，醉翁之意不在酒，做都係為左識下朋友而唔係想成績好。



呢D都係好既習慣黎，可以Keep。

多左幾個朋友，都令我返學既日子過得更開心充實。